ନୂଆଦିଲ୍ଲୀ: ହିନ୍ଦୁ ମହାସଭାର ପୂର୍ବତନ ଅଧ୍ୟକ୍ଷ କମଳେଶ ତିୱାରୀ ହତ୍ୟାକାଣ୍ଡ ମାମଲାରେ ମୁଖ୍ୟ ଆସାମୀ ରଶିଦ ପଠାନର ପାକିସ୍ତାନ ସମ୍ପର୍କ ନେଇ ସୂଚନା ମିଳିଛି। ସୂଚନା ଅନୁଯାୟୀ, ଦୁବାଇର ଯେଉଁ କମ୍ପାନୀରେ ରଶିଦ ପଠାନ କାମ କରୁଥିଲା, ସେହି କମ୍ପାନୀର ମାଲିକ ଜଣେ ପାକିସ୍ତାନୀ। ଏଭଳି ସୂଚନା ଆସିବା ପରେ ଏଟିଏସ ରଶିଦର ପାକିସ୍ତାନ ଲିଙ୍କ ନେଇ ଖୋଳତାଡ଼ ଆରମ୍ଭ କରିଛି।
କମଳେଶ ତିୱାରୀ ହତ୍ୟାକାଣ୍ଡ ମାମଲାରେ ପୁଲିସ ୩ ଜଣଙ୍କୁ ଗିରଫ କରିଥିବା ବେଳେ, ଅନ୍ୟ ତିନି ଜଣଙ୍କୁ ଅଟକ ରଖି ପଚରାଉଚୁରା କରୁଛି। ପୁଲିସ ସେମାନଙ୍କୁ ଗୁଜୁରାଟର ସୁରତରୁ ଗିରଫ କରିଛି। ଏହା ଛଡ଼ା ଜଣେ ମହିଳାଙ୍କ ସମେତ ଅନ୍ୟ ଦୁଇଜଣଙ୍କୁ ପୁଲିସ ନାଗପୁର ଓ ସୁରତରୁ ଠାବ କରିଛି। ଉତ୍ତରପ୍ରଦେଶ ପୁଲିସ ମହାନିର୍ଦ୍ଦେଶକ କହିଛନ୍ତି, କମଳେଶ ତିୱାରୀ ହତ୍ୟାକାଣ୍ଡର ସମସ୍ତ ଅଭିଯୁକ୍ତଙ୍କୁ ଚିହ୍ନଟ କରାଯାଇଛି ଓ ସେମାନଙ୍କୁ ୨୪ ଘଣ୍ଟା ମଧ୍ୟରେ ଗିରଫ କରାଯାଇଛି।
Comments are closed.