ମୋଦୀଙ୍କୁ ହିଟଲରଙ୍କ ସହ ତୁଳନା କଲେ ପାକିସ୍ତାନ ମନ୍ତ୍ରୀ : ଯୁଦ୍ଧ କରିବାକୁ ଦେଲେ ଧମକ
ଇସଲାମାବାଦ : ବିବାଦୀୟ ବୟାନ ଦେଇ ସର୍ବଦା ଚର୍ଚ୍ଚାରେ ରହିଆସିଥିବା ପାକିସ୍ତାନ ରେଳମନ୍ତ୍ରୀ ଶେଖ ରସିଦ ପୁଣିଥରେ ସେହିଭଳି ବୟାନ ଦେଇ ଚର୍ଚ୍ଚାକୁ ଆସିଛନ୍ତି। ଜମ୍ମୁ-କଶ୍ମୀରରୁ ୩୭୦ ଉଚ୍ଛେଦ ପରେ ଭାରତ ଓ ମୋଦୀ ସରକାରଙ୍କୁ ଟାର୍ଗେଟ କରୁଥିବା ରସିଦ ପୁଣିଥରେ ନାଗରିକତା ସଂଶୋଧନ ଆଇନକୁ ନେଇ ମୋଦୀଙ୍କୁ ଟାର୍ଗେଟ କରିଛନ୍ତି। ଏପରିକି ସେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ହିଟଲରଙ୍କ ସହ ତୁଳନା କରିଛନ୍ତି। ଏପରିକି ଉକ୍ତ ସିଏଏକୁ ନେଇ ଭାରତ-ପାକିସ୍ତାନ ମଧ୍ୟରେ ଯୁଦ୍ଧ ହେବ ବୋଲି ମଧ୍ୟ ସେ ଧମକ ଦେଇଛନ୍ତି।
ସେ କହିଛନ୍ତି, ପ୍ରଧାନମନ୍ତ୍ରୀ ମୋଦୀ ନାଗରିକତା ସଂଶୋଧନ ଆଇନ(ସିଏଏ) ଭଳି ଆଇନ କରି ଭାରତୀୟ ମୁସଲମାନଙ୍କ ପାଇଁ ସମସ୍ୟା ସୃଷ୍ଟି କରୁଛନ୍ତି। ଭାରତରେ ଉକ୍ତ ଆଇନର ବିରୋଧ ସତ୍ତ୍ବେ ଏମିତି କରି ମୋଦୀ ଭାରତୀୟ ମୁସଲମାନମାନଙ୍କର ଅପମାନ କରିଥିବା ସେ କହିଛନ୍ତି। ସର୍ବଦା ମୁସଲମାନଙ୍କ ସହ ଛିଡାହେବା ତାଙ୍କର କର୍ତ୍ତବ୍ୟ ତେଣୁ ଦରକାର ପଡିଲେ ଭାରତ ଓ ପାକିସ୍ତାନ ମଧ୍ୟରେ ଯୁଦ୍ଧ ହୋଇପାରେ ବୋଲି ମଧ୍ୟ ସେ କହିଛନ୍ତି।
Sheikh Rashid Ahmad,Pakistan Minister: It’s our responsibility to stand in solidarity with Muslims of Kashmir&India.The way India’s Modi Mussolini Hitler is creating problems for Indian Muslims,differences b/w India&Pakistan will increase which might drag both countries to a war. pic.twitter.com/WyiXwFwX3i
— ANI (@ANI) December 14, 2019
Comments are closed.