MEllora 950×100

ବୁଥ୍ ଓ ପ୍ରାର୍ଥୀ ସଂଖ୍ୟା ଅଧିକ ଥିବାରୁ ୨୩ ରାଉଣ୍ଡ ଗଣତି ହେବ: ମୁଖ୍ୟ ନିର୍ବାଚନ ଅଧିକାରୀ

ଭୁବନେଶ୍ୱର: ଆସନ୍ତାକାଲି ପଦ୍ମପୁର ଉପନିର୍ବାଚନ ଭୋଟ୍‌ ଗଣତି। ଏନେଇ ରାଜ୍ୟ ମୁଖ୍ୟ ନିର୍ବାଚନ ଅଧିକାରୀ ସୁଶୀଲ ଲୋହାନୀ ସାମ୍ବାଦିକ ସମ୍ମିଳନୀ କରି ସବିଶେଷ ସୂଚନା ଦେଇଛନ୍ତି। ଲୋହାନୀଙ୍କ ସୂଚନା ଅନୁଯାୟୀ, ସକାଳ ୮ଟାରୁ ଗଣତି ଆରମ୍ଭ ହେବ। ମୋଟ୍‌ ୨୩ ରାଉଣ୍ଡରେ ଭୋଟ ଗଣତି ହେବ । ପ୍ରଥମେ ପୋଷ୍ଟାଲ ବାଲାଟ ଭୋଟ ଗଣତି ହେବ। ଏହାପରେ ସକାଳ ୮ଟା ୩୦ରୁ ଇଭିଏମ୍ ଗଣତି ଆରମ୍ଭ ହେବ। ୩୧୯ଟି ବୁଥ୍‌ର ଭୋଟ ଗଣତି ୧୪ଟି ଟେବୁଲରେ କରାଯିବ। ତେବେ ବୁଥ୍ ଓ ପ୍ରାର୍ଥୀ ସଂଖ୍ୟା ଅଧିକ ଥିବାରୁ ୨୩ ରାଉଣ୍ଡ ଗଣତି ହେବ। ସମସ୍ତ ବୁଥ୍ ଗଣତି ସରିବା ପରେ ସଠିକତା ଯାଞ୍ଚ ଲାଗି ଯେକୌଣସି ୫ଟି ବୁଥର ଭିଭିପାଟ୍ ମେଳ କରାଯିବ।

Comments are closed.