ଚୋରି ଘଟଣାରେ ଜଣେ ଗିରଫ, ଅନ୍ୟ ଅଭିଯୁକ୍ତଙ୍କୁ ଗିରଫ ପାଇଁ ଉଦ୍ୟମ ଜାରି

ଗୁଣପୁର : ଜିଲାର ବିଭିନ୍ନ ସ୍ଥାନରେ ଚୋରି କରିଥିବା ଜଣେ ଯୁବକ ଆଜି ସ୍ଥାନୀୟ ପୁଲିସ ଗିରଫ କରିବାରେ ସକ୍ଷମ ହୋଇ ପାରିଛି । ଗୁଡାରୀ ସହରର ଲକ୍ଷ୍ଣୀନାରାୟଣ ଏଣ୍ଟରପ୍ରାଇଜେସରୁ କବାଟ ଭାଙ୍ଗି ବିଫୁଳ ପରିମାଣରେ ସାମଗ୍ରୀ ଚୋରି ହୋଇଥିଲା । ଏନେଇ ଗୁଡାରୀ ଥାନାରେ ସଂସ୍ଥାର ମାଲିକ କେ.ଶ୍ରୀନୁବାସ ଲିଖିତ ଅଭିଯୋଗ କରିଥିଲେ। ଏହି ଅଭିଯୋଗ ପରେ ସ୍ଥାନୀୟ ଏସଡିପିଓ ଅଜୟ ବାରିକଙ୍କ ନିର୍ଦ୍ଦେଶକ୍ରମେ ଗୁଣପୁର, ଗୁଡାରୀ ଓ ରାମନାଗୁଡା ପୁଲିସକୁ ନେଇ ଏକ ଟିମ ଗଠନ କରି ଏହି ଘଟଣାର ତଦନ୍ତ ଆରମ୍ଭ କରିଥିଲେ । ଉକ୍ତ ଦୋକାନର ଚୋରି ସମ୍ପର୍କରେ ସିସିଟିଭି ଫୁଟେଜକୁ ଭିତ୍ତି କରି ପୁଲିସ ଖୋଳତାଡ କରିଥିଲା। ଏହି ଘଟଣାରେ ପଦ୍ମପୁର ଅଞ୍ଚଳର ରାଜୁ ସାହୁ ନାମକଜଣେ ବ୍ୟକ୍ତିକୁ ପୁଲିସ ଚିହ୍ନଟ କରି ଗତକାଲି ପଚରାଉଚରା କରିଥିଲେ। ଚୋରୀ କରିଥିବା ନେଇ ସ୍ୱୀକାର କରିଥିଲେ। ପୂର୍ବରୁ ଅଭିଯୁକ୍ତ ରାଜୁଙ୍କ ନାମରେ ଗୁଣପୁର, ଗୁଡାରୀ, ପଦ୍ମପୁର, ମୁକୁନ୍ଦପୁର, ବିଷମକଟକ, ଗଜପତି ଜିଲାର ଅଡବା ଓ ଆନ୍ଧ୍ର ଶ୍ରୀକାକୁଲମ ଜିଲାର ବାତ୍ତିଲି ଗ୍ରାମରେ ଚୋରୀ ଅଭିଯୋଗରେ ୧୨ଟି ମାମଲା ଥିବା ପୁଲିସ ସୂଚନା ଦେଇଛି। ଅଭିଯୁକ୍ତ ରାଜୁଙ୍କ ପାଖରୁ ୧୬ହଜାରଟଙ୍କା, ୬ଟି ଦାମୀ ମୋବାଇଲ, ଦୁଇଟି ମଟର ସାଇକେଲ, ଗୋଟିଏ ଲାପଟପ, ୨ଟି ଆଇରନ କଟର ମଧ୍ୟ ପୁଲିସ ଜବତ କରିଛି।

ଆଜି ସନ୍ଧ୍ୟାରେ ଅଭିଯୁକ୍ତ ରାଜୁକୁ ଗିରଫ କରି କୋର୍ଟ ଚାଲଣ କରାଯାଇଛି । ଏହି ଚୋରୀ ଘଟଣାରେ ଅନ୍ୟ ଅଭିଯୁକ୍ତମାନଙ୍କ ଅତି ଶୀଘ୍ର ଗିରଫ କରିବାକୁ ପୁଲିସ ଯୋଜନା କରିଛି । ଆଜି ଏନେଇ ସ୍ଥାନୀୟ ଆଦର୍ଶ ଥାନାରେ ଏକ ସାମ୍ବାଦିକ ସମ୍ମିଳନୀରେ  ପୁଲିସ ଏହି ସୂଚନା ପ୍ରଦାନ କରିଛି । ସ୍ଥାନୀୟ ଥାନା ଆଇଆଇସି ଯଶବନ୍ତ ହିଆଲ, ଏସଆଇ ସୁଶାନ୍ତ ବେହେରା, ରୁଦ୍ରମାଧବ ମୁଦୁଲି, ଗୁଡାରୀର ଏସକେ ପାଉଡିଆ, ରାମନାଗୁଡାର ପୃଥିବୀରାଜ ହରିଚନ୍ଦନ ପ୍ରମୁଖ ସାମ୍ବାଦିକ ସମ୍ମିଳନୀରେ ମଞ୍ଚସୀନ ଥିଲେ।

Comments
Loading...