ବାରାଣସୀ : ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କାଶୀ ବିଶ୍ୱନାଥ କରିଡରର ଶୁଭ ଉଦଘାଟନ କରିଛନ୍ତି। ପ୍ରଧାନମନ୍ତ୍ରୀ ମୋଦୀ ହର୍-ହର-ମହାଦେବ, ହର-ହର-ମହାଦେବ, ନମଃ ପାର୍ବତୀ ପତି, ହର ହର ମହାଦେବ କହି ନିଜର ସମ୍ବୋଧନ ଆରମ୍ଭ କରିଛନ୍ତି।
ପ୍ରଧାନମନ୍ତ୍ରୀ ସାଧୁସନ୍ଥ, ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ଉଭୟ ଉପମୁଖ୍ୟମନ୍ତ୍ରୀ, ଲେଫ୍ଟନାଣ୍ଟ ଗଭର୍ଣ୍ଣର, ଅନ୍ୟ ରାଜ୍ୟର ନେତା ତଥା ଦେଶର ଲୋକଙ୍କୁ ଧନ୍ୟବାଦ ଜଣାଇଛନ୍ତି।
ପ୍ରଧାନମନ୍ତ୍ରୀ କହିଛନ୍ତି ଯେ ମୁଁ ଦେଶର ଲୋକଙ୍କ ପାଇଁ କାଶୀ କୋଟୱାଲରୁ ଆଶୀର୍ବାଦ ଆଣିଛି। ଦେଶ ତଥା ବିଶ୍ୱର ସେହି ଲୋକମାନଙ୍କୁ ସେ ବହୁତ କୃତଜ୍ଞତା ଜଣାଇଛନ୍ତି, ଯେଉଁମାନେ ଦୂରରେ ରହିବା ପରେ ମଧ୍ୟ ଏହି ମୁହୂର୍ତ୍ତର ସାକ୍ଷୀ ରହିଛନ୍ତି । ବନ୍ଧୁଗଣ, ଏହା ଆମ ପୁରାଣରେ କୁହାଯାଇଛି ଯେ କାଶୀରେ ପାଦ ଦେବା ମାତ୍ରେ ସମସ୍ତ ପାପରୁ ମୁକ୍ତି ମିଳିଥାଏ।
କରିଡର ନିର୍ମାଣରେ କାର୍ୟ୍ୟ କରୁଥିବା ଶ୍ରମିକମାନଙ୍କ ଉପରେ ପ୍ରଧାନମନ୍ତ୍ରୀ ପୁଷ୍ପ ବର୍ଷା କରିଛନ୍ତି। ଏହି ସମୟରେ ପ୍ରଧାନମନ୍ତ୍ରୀ ମଧ୍ୟ ଶ୍ରମିକମାନଙ୍କ ମଧ୍ୟରେ ବସି ଏକ ଫଟୋ ଉଠାଇଥିଲେ। ଏହି ସମୟରେ ଶ୍ରମିକମାନେ ବହୁତ ଖୁସି ଦେଖାଯାଉଥିଲେ । ପ୍ରଧାନମନ୍ତ୍ରୀ ସମସ୍ତଙ୍କ ସହ କଥାବାର୍ତ୍ତା କରିଥିଲେ । ସେମାନଙ୍କୁ ମଙ୍ଗଳ ପଚାରିବା ସହ ନିର୍ମାଣ କାର୍ୟ୍ୟରେ ସହଯୋଗ କରିଥିବାରୁ ତାଙ୍କୁ ଧନ୍ୟବାଦ ଜଣାଇଛନ୍ତି।
ଏହି ଅବସରରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟ ନାଥ କହିଛନ୍ତି ସମ୍ମାନିତ ସାଧୁମାନଙ୍କ ଆଶୀର୍ବାଦ ଏବଂ ପ୍ରଧାନମନ୍ତ୍ରୀ ମୋଦୀଙ୍କ ମାର୍ଗଦର୍ଶନ ହେତୁ ଆମେ ଆମର ପଥରେ ଅଛୁ। ମୁଖ୍ୟମନ୍ତ୍ରୀ , ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇଛନ୍ତି।
ଭୋଳାଶଙ୍କରଙ୍କ ସହରର କାଶୀରେ ଲୋକମାନେ ରାସ୍ତାରେ ଠିଆ ହୋଇ ଟିଭିରେ ଉଦ୍ଘାଟନୀ ସମାରୋହ ଦେଖୁଛନ୍ତି। ଏହି କାର୍ୟ୍ୟକ୍ରମକୁ ସାରା ଦେଶରେ ସିଧା ପ୍ରସାରଣ ପାଇଁ ବ୍ୟବସ୍ଥା କରାଯାଇଛି।
Comments are closed.