ଟୋକିଓ ଅଲିମ୍ପିକ୍ସ ହକି ତାରକାଙ୍କୁ ସମ୍ବର୍ଦ୍ଧିତ କଲେ ମୁଖ୍ୟମନ୍ତ୍ରୀ

ରାଜ୍ୟସରକାରଙ୍କ ତରଫରୁ ଖେଳାଳୀଙ୍କ ପାଇଁ ଆର୍ଥିକ ପୁରସ୍କାର

ଭୁବନେଶ୍ୱର : ଆଜି ଟୋକିଓ ଅଲିମ୍ପିକ୍ସ ହକି ତାରକାଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସମ୍ବର୍ଦ୍ଧିତ କରିଛନ୍ତି । କଳିଙ୍ଗ ଷ୍ଟାଡିୟମରେ ଉଭୟ ମହିଳା ଓ ପୁରୁଷ ୪ ହକି ତାରକାଙ୍କୁ ସ୍ୱତନ୍ତ୍ର ସମ୍ବର୍ଦ୍ଧିତ କରିଛନ୍ତି ମୁଖ୍ୟମନ୍ତ୍ରୀ । ଅଲିମ୍ପିକ୍ସରେ ସଫଳତା ପରେ ୪ ଖେଳାଳି ଅମିତ ରୋହିଦାସ, ବିରେନ୍ଦ୍ର ଲାକ୍ରା ଓ ମହିଳା ହକି ଖେଳାଳି ଦୀପଗ୍ରେସ ଏକ୍କା, ନମିତା ଟପୋଙ୍କୁ ସମ୍ବର୍ଦ୍ଧିତ କରିଛନ୍ତି ।
ମୁଖ୍ୟମନ୍ତ୍ରୀ ବିରେନ୍ଦ୍ର ଲାକ୍ରା ଏବଂ ଅମିତ ରୋହିଦାସଙ୍କୁ ୨.୫ କୋଟି ପୁରସ୍କାର ପ୍ରଦାନ କରିଛନ୍ତି । ଏହାସହ ରାଜ୍ୟ ପୁଲିସ ବିଭାଗରେ ଡେପୁଟି ସୁପରିଣ୍ଟେଣ୍ଡେଣ୍ଟ (ଉପ ଅଧିକ୍ଷକ)ଭାବରେ ନିଯୁକ୍ତି ପତ୍ର ପ୍ରଦାନ କରିଛନ୍ତି । ଦେଶ ପାଇଁ ବ୍ରୋଞ୍ଜ ପଦକ ଜିତିବାରେ ଖେଳାଳୀଙ୍କ ପ୍ରଦର୍ଶନକୁ ପ୍ରଶଂସା କରିଛନ୍ତି ।
ଟୋକିଓ ଅଲିମ୍ପିକ୍ସିରେ ଭାରତୀୟ ମହିଳା ହକି ଦଳର ଦୀପ ଗ୍ରେସ୍‌ ଏକ୍କା ଏବଂ ନମିତା ଟପ୍ପୋଙ୍କୁ ମୁଖ୍ୟମନ୍ତ୍ରୀ ୫୦ ଲକ୍ଷ ଟଙ୍କା ପୁରସ୍କାର ପ୍ରଦାନ କରିଛନ୍ତି ।ସେମି ଫାଇନାଲରେ ପ୍ରବେଶ କରିବା ଏବଂ ଭାରତୀୟ ହକିରେ ଇତିହାସ ସୃଷ୍ଟି କରିବାରେ ମହିଳା ଦଳର ଉସôାହଜନକ ସଂଗ୍ରାମକୁ ସେ ପ୍ରଂଶସା କରିଛନ୍ତି । ସେମାନଙ୍କ ପ୍ରଦର୍ଶନକୁ ପ୍ରଂଶସା କରିବା ସହ ସେମାନଙ୍କର କଠିନ ପରିଶ୍ରମ ଜାରି ରଖିବାକୁ ଏବଂ ଦେଶକୁ ଅଧିକ ପୁରସ୍କାର ଆଣିବାକୁ ପରାର୍ମଶ ମଧ୍ୟ ଦେଇଛନ୍ତି । ଭବିଷ୍ୟତରେ ସେମାନଙ୍କୁ ପୂର୍ଣ୍ଣ ସମର୍ଥନ କରିବାକୁ ମୁଖ୍ୟମନ୍ତ୍ରୀ କହିଛନ୍ତି ।
କଳିଙ୍ଗ ଷ୍ଟାଡିୟମ ବିଶ୍ୱରେ ହକିର କେନ୍ଦ୍ରସ୍ଥଳ ପାଲଟିଛି । ପୁରୁଷ ହକି ବିଶ୍ୱକପର ପରବର୍ତ୍ତୀ ସଂସ୍କରଣରେ ଭୁବନେଶ୍ୱର ଷ୍ଟାଡିୟମରେ ଖେଳାଯିବ ।
ଭାରତୀୟ ହକିକୁ ସମର୍ଥନ କରିଥିବାରୁ ଖେଳାଳୀମାନେ ମୁଖ୍ୟମନ୍ତ୍ରୀଙ୍କ ପ୍ରତି ଗଭୀର କୃତଜ୍ଞତା ଜଣାଇଛନ୍ତି, ଯାହା ସେମାନଙ୍କୁ ଟୋକିଓ ଅଲିମ୍ପିକ୍ସରେ ଉତ୍ତମ ପ୍ରଦର୍ଶନ ପାଇଁ ପ୍ରେରଣା ଦେଇଥିଲା । ଯାହା ଦ୍ୱାରା ଟୋକିଓ ଅଲିମ୍ପିକ୍ସରେ ଚମକôାର ଫଳ ମିଳିପାରିଛି । ଖେଳାଳୀମାନେ ଆନନ୍ଦିତ ଯେ, ରାଜ୍ୟରେ ପହଞ୍ଚିବା ପରେ ନଗଦ ପୁରସ୍କାର ଏବଂ ଚାକିରୀ ପାଇଁ ରାଜ୍ୟ ସରକାର ଦେଇଥିବା ପ୍ରତିଶ୍ରୁତି ପୂରଣ କରିଛନ୍ତି ।
ପୁରୁଷ ଦଳର ଉପ-କ୍ୟାପଟେନ ବୀରେନ୍ଦ୍ର ଲାକ୍ରା ଦଳର ସମସ୍ତ ସଦସ୍ୟଙ୍କ ଦସ୍ତଖତ ସହିତ ଟିମ ଜର୍ସି ମୁଖ୍ୟମନ୍ତ୍ରୀଙ୍କୁ ଉପସ୍ଥାପନ କରିଥିଲେ । ମହିଳା ଦଳର ଉପ-କ୍ୟାପଟେନ ଦୀପ ଗ୍ରେସ୍‌ ଏକ୍କା ଦଳର ସମସ୍ତ ସଦସ୍ୟଙ୍କ ଦସ୍ତଖତ ସହିତ ଟିମ ଜର୍ସି ମୁଖ୍ୟମନ୍ତ୍ରୀଙ୍କୁ ଉପସ୍ଥାପନ କରିଥିଲେ ।
ଏହି ଉସôବରେ ହାଇ-ପ୍ରଦର୍ଶନ କେନ୍ଦ୍ର ଏବଂ ସ୍ପୋର୍ଟସ ହଷ୍ଟେଲ ହକି ଖେଳାଳୀମାନେ ଉପସ୍ଥିତ ଥିଲେ । ମୁଖ୍ୟମନ୍ତ୍ରୀ ଓଡିଶାର ଉଦୀୟମାନ ଖେଳାଳୀଙ୍କୁ ସମସ୍ତ ସମର୍ଥନ ଜଣାଇଛନ୍ତି ।
କ୍ରୀଡା ଏବଂ ଯୁବ ସେବା ମନ୍ତ୍ରୀ ତୁଷାରକାନ୍ତ ବେହେରା ଏବଂ ଅଧ୍ୟକ୍ଷ, ଓଡିଶା ହକି ପ୍ରୋହସôାହନ ପରିଷଦ ଦିଲୀପ ତିର୍କି, ୫ଟି ସଚିବ ଭି.କେ ପାଣ୍ଡିଆନ ଏବଂ କ୍ରୀଡା ସଚିବ ଆର ଭେନିଲ କ୍ରିଷ୍ଣା ମଧ୍ୟ ଏହି ସମାରୋହରେ ଉପସ୍ଥିତ ଥିଲେ ।

Comments
Loading...