ଫୁଲବାଣୀ: ଫୁଲବାଣୀ ବ୍ୟାଡମିଣ୍ଟନ ଆସୋସିଏସନ୍ ଓ ଫୁଲବାଣୀ ସଟଲର୍ସ ପକ୍ଷରୁ ଦୁଇ ଦିନିଆ ରାଜ୍ୟ ସ୍ତରୀୟ ବ୍ୟାଡମିଣ୍ଟନ ପ୍ରତିଯୋଗୀତା ଅନୁଷ୍ଠିତ ହୋଇଯାଇଛି। ସ୍ଥାନୀୟ କନ୍ଧମାଳ ଷ୍ଟାଡିଅମର ଇନଡୋର ଷ୍ଟାଡିଅମରେ ଆୟୋଜିତ ଏହି କାର୍ଯ୍ୟକ୍ରମରେ ଅତିଥି ଭାବରେ ସହକାରୀ ଜିଲ୍ଲାପାଳ ବୁନା ପ୍ରଧାନ,ଜିଲ୍ଲା କ୍ରୀଡା ସଂସଦର ସମ୍ପାଦକ ଶିବପ୍ରସାଦ ତ୍ରିପାଠୀ, ଜିଲ୍ଲା କ୍ରୀଡା ଅଧିକାରୀ ସମୀରକୁମାର ନାୟକ, ଫୁଲବାଣୀ ହୋଲସେଲ୍ଫ ଆସୋସିଏସନର ସଭାପତି ପଦ୍ମଚରଣ ସ୍ୱାଇଁ ପ୍ରମୁଖ ଯୋଗ ଦେଇଥିଲେ। କାର୍ଯ୍ୟକ୍ରମକୁ ଫୁଲବାଣୀ ସଟଲର୍ସର ସଭାପତି ପଦ୍ମଚରଣ ମହାନ୍ତିଙ୍କ ଅଧ୍ୟକ୍ଷତାରେ ଅନୁଷ୍ଠିତ କାର୍ଯ୍ୟକ୍ରମକୁ ଅତିଥି ମାନେ ପ୍ରଦୀପ ପ୍ରଜ୍ୱଳନ ପୁର୍ବକ ଉଦଘାଟନ କରିଥିଲେ।
ଏହି ପ୍ରତିଯୋଗୀତାରେ ରାଜ୍ୟର ଅନୁଗୁଳ, ରାୟଗଡ଼ା, ସମ୍ବଲପୁର, ସୋନପୁର ଓ କନ୍ଧମାଳ ଜିଲ୍ଲା ସମେତ ବିଭିନ୍ନ ଅଞ୍ଚଳର ୨୫ଟି ଟିମ୍ ଭାଗ ନେଇଥିଲେ। ଏହି ପ୍ରତିଯୋଗୀତାରେ ଅନୁଗୁଳର ଅମ୍ଳାନ ପଟ୍ଟନାୟକ ଏବଂ ତନ୍ମୟ ସାହୁଙ୍କ ଜୋଡି ଚମ୍ପିଅନ୍ ହୋଇଥିବାବେଳେ ରନର୍ସ ଭାବରେ ଜୟପୁରରୁ ଆସିଥିବା ସିଦ୍ଧାର୍ଥ ଦେ ଓ ଡି. ମଣିକାନ୍ତଙ୍କ ଜୋଡି ରନର୍ସ ହୋଇଥିଲେ। ସେହିପରି ପୂରୀର ଅବିନାସ ମଣ୍ଡଳ ଓ ତାଙ୍କ ପାର୍ଟନର ତତୀୟ ସ୍ଥାନ ଓ ବଲାଙ୍ଗୀରର ମହମ୍ମଦ ଇରଫାନ ଓ ଚିନ୍ମୟ ବେହେରା ଚତୁର୍ଥ ସ୍ଥାନ ଅଧିକାର କରିଛନ୍ତି। ଅସୋସିଏସନ ପକ୍ଷରୁ ଚମ୍ପିଅନ ଦଳକୁ ଚମ୍ପିଅନ ଟ୍ରଫି ସମେତ ୧୧ ହଜାରତ ଶହେ ଏଗାର ଟଙ୍କା ନଗଦ ରାଶୀ ପୁରସ୍କାର ପ୍ରଦାନ କରାଯାଇଛି। ସେହିପରି ରନର୍ସ ଦଳକୁ ୭ ହଜାର ରାତ ଶହ ୭୭ ଟଙ୍କା,ତୃତୀୟ ସ୍ଥାନ ଅଧିକାର କରିଥିବା ଦଳକୁ ୪ ହଜାର ୪ ଶହ ୪୪ ଟଙ୍କା ପ୍ରଦାନ କରାଯାଇଥିବା ବେଳେ ଚତୁର୍ଥ ସ୍ଥାନ ଅଧିକାର କରିଥିବା ଦଳକୁ ୨ ହଜାର ୨ ଶଷ ୨୨ ଟଙ୍କା ନଗଦ ରାଶୀ ଓ ଟ୍ରଫି ପ୍ରଦାନ କରାଯାଇଛି। ଉଦ୍ଯାପନି ଦିବସରେ କ୍ରୀଡା ସଂସଦର ସମ୍ପାଦକ ଶିବପ୍ରସାଦ ତ୍ରିପାଠୀ,ଜିଲା କ୍ରିଡ଼ା ଅଧିକାରୀ ସମୀାର କୁମାର ନାୟକ, ଜିଲ୍ଲା ପ୍ରେସ କ୍ଲବର ସାଧାରଣ ସମ୍ପାଦକ ପ୍ରଶାନ୍ତ କୁମାର ବେହେରା, ଆସୋସିଏସନର ସଭାପତି ପଦ୍ମଚରଣ ମହାନ୍ତି, ସମ୍ପାଦକ ସବ୍ୟସାଚୀ ଦଲାଲ୍, କୋଷାଧ୍ୟକ୍ଷ ରବିନାରାୟଣ ପାତ୍ର ଏବଂ ଅନ୍ୟ କର୍ମକର୍ତା ମାନେ ଯୋଗ ଦେଇଥିଲେ। ଏହି ଦୁଇ ଦିନିଆ ପ୍ରତିଯୋଗୀତାରେ ରେଫରି ଭାବେ ରୁପକ ମହାନ୍ତି ଓ ସବ୍ୟାସାଚୀ ଦଳାଲ୍ ପ୍ରମୁଖ ଦାୟୀତ୍ୱ ନିର୍ବାହ କରିଥିଲେ। ତେବେ ଫୁଲବାଣୀରେ ପୂର୍ତ ବିଭାଗ ପକ୍ଷରୁ ନୁତନ ଭାବରେ ଆଧୁନିକି କରଣ କରାଯାଇଥିବା ଏହି ଇନଡୋର ଷ୍ଟାଡିଆମରେ ନିୟମିତ ଭାବରେ ଖେଳାଳିଙ୍କ ଭୀଡ ଦେଖିବାକୁ ମିଳୁଥିବା ବେଳେ ଜିଲ୍ଲା କ୍ରିଡା ବିବାଗ ତରଫରୁ ଏହି ଦିଗରେ ଜିଲ୍ଲାର କନିଷ୍ଠ ଖେଳାଳି ମାନଙ୍କୁ ସଠିକ ଭାବରେ ତାଲିମ ଏବଂ ଅନ୍ୟାନ୍ୟ ସୁବିଧା ପ୍ରଦାନ କରାଗଲେ ଜିଲ୍ଲାରୁ ଭଲ ଖେଳାଳି ବାହାରିବେ ବୋଲି ଆସୋସିଏସନ ପକ୍ଷରୁ କୁହାଯାଇଛି।
Comments are closed.