କଟକ: ଫୁଟବଲ ଆସୋସିଏସନ ଅଫ ଓଡ଼ିଶା (ଫାଓ), ରାଜ୍ୟ କ୍ରୀଡ଼ା ଓ ଯୁବସେବା ବିଭାଗର ମିଳିତ ସହଯୋଗରେ ଭୁବନେଶ୍ବରରେ ଚାଲିଥିବା ଓଡ଼ିଶା ମହିଳା ଫୁଟବଲ ଲିଗରେ ବୁଧବାର ୩ଟି ମ୍ୟାଚ ଖେଳା ଯାଇଥିଲା। ଏଥିରେ ସାଇ ଟ୍ରେନିଂ ସେଣ୍ଟର, ଓଡ଼ିଶା କ୍ରୀଡ଼ା ଛାତ୍ରାବାସ ଓ ପୂର୍ବତଟ ରେଳବାଇ ବିଜୟୀ ହୋଇଛନ୍ତି। କ୍ୟାପିଟାଲ ହାଇସ୍କୁଲ ଖେଳପଡ଼ିଆରେ ପ୍ରଥମ ମ୍ୟାଚରେ ସାଇ ଟ୍ରେନିଂ ସେଣ୍ଟର ୭-୨ ଗୋଲରେ ଓଜିପିକୁ ପରାସ୍ତ କରିଛି। ସାଇ ପକ୍ଷରୁ ଦୀପା ନାୟକ ୩୮, ୪୮, ୭୯ ଓ ୮୦ ମିନିଟରେ ୪ଟି; ଜ୍ୟୋତି ଦଳାଇ ୫୩, ୫୬ ଓ ୯୦ ମିନିଟରେ ୩ଟି ଗୋଲ ଦେଇଥିଲେ। ଓଜିପି ପକ୍ଷରୁ ଲକ୍ଷ୍ମୀପ୍ରିୟା ଲାକ୍ରା ୮ ଓ ୪୫ ମିନିଟରେ ୨ଟି ଗୋଲ ଦେଇଥିଲେ।
କଳିଙ୍ଗ ଷ୍ଟାଡ଼ିୟମରେ ଓଡ଼ିଶା କ୍ରୀଡ଼ା ଛାତ୍ରାବାସ ୩-୦ ଗୋଲରେ ଓଡ଼ିଶା ପୁଲିସକୁ ପରାସ୍ତ କରିଛି। ଓଡ଼ିଶା କ୍ରୀଡ଼ା ଛାତ୍ରାବାସ ପକ୍ଷରୁ ମନୀଷା ନାୟକ ୩୦ ଓ ୪୩ ମିନିଟ୍ରେ ୨ଟି, ମାଳତି ମୁଣ୍ଡା ୮୨ ମିନିଟ୍ରେ ଗୋଟିଏ ଗୋଲ ଦେଇଥିଲେ। କ୍ୟାପିଟାଲ ହାଇସ୍କୁଲ ପଡ଼ିଆରେ ୨ୟ ମ୍ୟାଚରେ ପୂର୍ବତଟ ରେଳବାଇ ୨-୧ ଗୋଲରେ ରାଇଜିଂ ଷ୍ଟୁଡେଣ୍ଟସ୍ କ୍ଳବକୁ ପରାସ୍ତ କରିଛି। ପୂର୍ବତଟ ରେଳବାଇ ପକ୍ଷରୁ ସୁପ୍ରିୟା ରାଉତରାୟ ୧୧ ଓ ସରୋଜିନୀ ତିର୍କୀ ୬୩ ମିନିଟରେ ଗୋଟିଏ ଲେଖାଏଁ ଗୋଲ ଦେଇଥିବା ବେଳେ ରାଇଜିଂ ଷ୍ଟୁଡେଣ୍ଟସ୍ ପକ୍ଷରୁ ସୁଭଦ୍ରା ସାହୁ ୩୮ ମିନିଟ୍ରେ ଗୋଟିଏ ଗୋଲ ଦେଇଥିଲେ।
Comments are closed.