MEllora 950×100

୧୭ ଦିନ ପରେ ଫେରିଲେ ନିଖୋଜ, ପରିବାରରେ ଖୁସିର ଲହରୀ

ଫୁଲବାଣୀ: ଗତ ୧୩ ତାରିଖ ଠାରୁ ଭୁବନେଶ୍ଵର ବୁଲିବାକୁ ଯାଇ ୬୫ ବର୍ଷୀୟ ମାନ୍ଦୃ ମାଝୀ ନିଖୋଜ ଘଟଣା ଦୀର୍ଘ ୧୭ ଦିନ ପରେ ଘରକୁ ଫେରିଛନ୍ତି। ସୂଚନା ଅନୁସାରେ ଗତ ନଭେମ୍ବର ୧୩ ତାରିଖରେ ଭୁବନେଶ୍ଵର ବୁଲିବାକୁ ଯାଇ ଇସ୍କନ ମନ୍ଦିର ଗେଟ୍ ପାଖରୁ କେଉଁ ଆଡ଼େ ନିଖୋଜ ହୋଇଥିଲେ। ପରେ ଖୋଜା ଖୋଜି କରିବା ପରେ ମିଳିନଥିଲା। ବାଧ୍ୟ ହୋଇ ପରିବାର ଲୋକେ ଫିରିଙ୍ଗିଆ ଥାନାରେ ଜଣାଇବା ସହ ଭୁବନେଶ୍ଵର ନୟାପଲ୍ଲୀ ଥାନାରେ ଲିଖିତ ଅଭିଯୋଗ କରିଥିଲେ। ପରେ ନୟାପଲ୍ଲୀ ଥାନା ପକ୍ଷରୁ ଇସ୍କନ ମନ୍ଦିରରେ ସିସି ଟିଭି ଚେକ୍ କରିବା ପରେ ଗେଟ୍ ବାହାରକୁ ଯିବା ଆସିବା ଜଣା ପଡ଼ିଥିଲା ଓ ଖୋଜି ଥିଲେ ମଧ୍ୟ ମିଳି ପାରି ନଥିଲା।

ପରିବାର ତରଫରୁ ଓ ବିଭିନ୍ନ ସ୍ବେଛାସେବୀ ସଂଗଠନ ତରଫରୁ ଖୋଜା ଖୋଜି କରିଥିଲେ ମଧ୍ୟ ଦୀର୍ଘ ୧୬ ଦିନ ପରେ ଅନ୍ୟ କାହା ସହାୟତାରେ ଫୁଲବାଣୀ ଫେରିଥିବା ବେଳେ କାସିନୀ ପଦର ପଞ୍ଚାୟତର ଗଲେ ସୁଗା ଗାଁର ଜଣେ ବ୍ୟକ୍ତି ତାଙ୍କୁ ଦେଖି ଚିହ୍ନି ପାରିବା ସହ ଫୁଲବାଣୀରୁ ଫିରିଙ୍ଗିଆ ପର୍ଯ୍ୟନ୍ତ ନେଇ ଆସିଥିଲେ। ଫିରିଙ୍ଗିଆରୁ ସାସିପଦର ଗାଁର ବିଦ୍ୟାଳୟର ଜଣେ ଶିକ୍ଷକ ଦେଖିବା ପରେ ତାଙ୍କ ଘରେ ଛାଡ଼ି ଥିଲେ। ତେବେ ପରିବାରକୁ ମାନ୍ଦୃ ମାଝୀ ଫେରିଥିବା ବେଳେ ପରିବାରରେ ଖୁସିର ଲହରୀ ଖେଳିଯାଇଛି।

Comments are closed.