ଆଠଗଡ: ଆଠଗଡ଼ ବିଜେପି କାର୍ୟ୍ୟାଳୟଠାରେ ପଣ୍ଡିତ ଦିନଦୟାଲ ଉପାଧ୍ୟାୟଙ୍କ ତିରୋଧାନ ଓ ସମର୍ପଣ ଦିବସ ଆଠଗଡ – ତିଗିରିଆ ନିର୍ବାଚନ ମଣ୍ଡଳୀର ବରାଷ୍ଠ ନେତା ତଥା ରାଜ୍ୟ କାର୍ୟ୍ୟକାରିଣୀ ସଦସ୍ୟ ବ୍ରଜେନ୍ଦ୍ର ରାୟଙ୍କ ପୌରୋହିତ୍ୟରେ ପାଳିତ କରାଯାଇଛି । ଏଥିରେ ଉଦବୋଧନ ଦେଇ ଶ୍ରୀ ରାୟ ଦିନଦୟାଲ ଉପାଧ୍ୟାୟ ଦୁଃଖ ଓ ଆର୍ଥିକ ଅନାଟନର ବୋଝକୁ ବହନ କରିଥିଲେ ସୁଦ୍ଧା ଜୀବନଯାତ୍ରାରେ ଅଟକି ନଯାଇ ବ୍ୟକ୍ତି, ସମାଜ, ସମାଜର ନୀତି, ଅର୍ଥନୀତି ତଥା ଦେଶର ସଂସ୍କୃତି ଐତିହ୍ୟ ସମ୍ପର୍କରେ ଅନୁଭୂତି ସଂଗ୍ରହ କରି ସେହି ଧାରାରେ ଦେଶକୁ ଆଗେଇ ନେବାରେ ବ୍ରତୀ ଥିଲେ ବୋଲି ପ୍ରକାଶ କରିଥିଲେ । ପଣ୍ଡିତ ଦିନଦୟାଲ ସମାଜବାଦ, ଅନ୍ତୋଦୟ ଏବଂ ମାନବବାଦର ପ୍ରଚାର ପ୍ରସାର କରିଥିଲେ ଏବଂ ଏହାଦ୍ବାରା ଭାରତ ଦିନେ ନା ଦିନେ ବିଶ୍ୱଗୁରୁ ହେବ ବୋଲି ବିବେଚନା କରିଥିଲେ । ନିଜର ସଂପୂର୍ଣ୍ଣ ଜୀବନ ସମାଜ ସେବା ପାଇଁ ସମର୍ପଣ କରି ରାଷ୍ଟ୍ରୀୟ ସ୍ଵୟଂ ସେବକ ସଙ୍ଘ ର ପ୍ରଚାରକ ଭାବେ ଜୀବନ ବିତାଇ ଥିଲେ ବୋଲି ଶ୍ରୀ ରାୟଙ୍କ ସମେତ ଅନ୍ୟ ବିଜେପି ନେତା ପ୍ରକାଶ କରିଥିଲେ।
କାର୍ୟ୍ୟକ୍ରମରେ କଟକ ଜିଲ୍ଲା ସାଧାରଣ ସମ୍ପାଦକ ରାମନାରାୟଣ ମହାନ୍ତି , କୃଷକ ମୋର୍ଚ୍ଚାର ଉପସଭାପତି ଜଗଦାନନ୍ଦ ତ୍ରୀପାଠୀ, ବରିଷ୍ଠ ନେତା ଆଇନଜୀବୀ ବିକ୍ରମ ଦାଶ, ନାରୀନେତ୍ରୀ ଇଲ୍ଲା ପଣ୍ଡା, କଳ୍ପନା ମହାପାତ୍ର, ସସ୍ମିତା ସାହୁ, ପୂର୍ବତନ ଉପସଭାପତି ପ୍ରଦୀପ ମହାପାତ୍ର, ଦିଲ୍ଲୀପ ସେଠୀ, ହିମାଂଶୁ ସାହୁ, ହେମନ୍ତ ମହାନ୍ତି ତଥା ଅନେକ କର୍ମକର୍ତ୍ତା ଉପସ୍ଥିତ ରହି ଉଦବୋଧନ ଦେବା ସହ ପଣ୍ଡିତ ଦିନଦୟାଲଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ଶ୍ରଦ୍ଧାସୁମନ ଅର୍ପଣ କରିଥିଲେ। ଉକ୍ତ କାର୍ୟ୍ୟକ୍ରମରେ ନଗର ମଣ୍ଡଳର ସାଧାରଣ ସମ୍ପାଦକ ରମାକାନ୍ତ ସେନାପତି ମଞ୍ଚ ପରିଚାଳନା କରିଥିଲେ। ପରିଶେଷରେ ଜଗଦାନନ୍ଦ ତ୍ରିପାଠୀ ଧନ୍ୟବାଦ୍ ଅର୍ପଣ କରିଥିଲେ।
Comments are closed.