ସମ୍ବଲପୁର: ସମ୍ବଲପୁର ଠାରେ ଥିବା ଗୁଇନ୍ଦା ଅବକାରୀ ବିଭାଗ ତରଫରୁ ନିଶା କାରବାରରେ ଅଙ୍କୁଶ ଲଗାଇବା ପାଇଁ ନିରନ୍ତର ପ୍ରୟାସ ଜାରି ରହିଥିବା ବେଳେ ଅନେକ ସମୟରେ ଗଞ୍ଜେଇ ଜବତ କରାଯାଉଛି। ତେବେ ଗଞ୍ଜେଇ ପାଇଁ ଚେକିଂ ଚାଲୁଥିବା ବେଳେ ଗୁଇନ୍ଦା ଅବକାରୀର ସ୍ୱତନ୍ତ୍ର ଦଳ ହାତରେ ବିପୁଳ ପରିମାଣରେ ମହୁଲ ଫୁଲ ଜବତ ହୋଇଛି। ଅବକାରୀ ସ୍ୱତନ୍ତ୍ର ଦଳ ଚେକିଂ ସମୟରେ ସୋହେଲା ଅଞ୍ଚଳରୁ ଛତିଶଗଡ଼ ରାଜ୍ୟକୁ ଚୋରାରେ ମହୁଲ ଫୁଲ ଚାଲାଣ ହେଉଥିବାର ଖବର ପାଇଁ ଏକ ଟ୍ରକକୁ ଗୋଡାଇଥିଲେ। ଗୋଡାଇ ଗୋଡାଇ ଉକ୍ତ ଟ୍ରକକୁ ଅବକାରୀ ଦଳ ଗ୍ରିଞ୍ଚେଲ ନିକଟରେ ଧରିଥିଲେ। ଯାଞ୍ଚ ସମୟରେ ଉକ୍ତ ଗାଡିରୁ ୧୧୬ କ୍ୱିଣ୍ଟାଲ ମହୁଲ ଫୁଲ ବେଆଇନ ଭାବରେ ଚାଲାଣ ହେଉଥିବାର ଜଣାପଡ଼ିଥିଲା। ଉକ୍ତ ଗାଡି ଜରିଆରେ ଚାଲାଣ କରୁଥିବା ବୌଦ୍ଧ ଜିଲା ୨ ଜଣ ଅଭିଯୁକ୍ତ ରଙ୍କନିଧି କାମ୍ପା ଓ ନୃପ ନାଗ ଙ୍କୁ ଗିରଫ କରିଛି। ମହୁଲ ଫୁଲ ଓ ଗାଡିକୁ ଜବତ କରି ଏକ ମାମଲା ରୁଜୁ କରି ଅଭିଯୁକ୍ତ ମାନଙ୍କୁ ଅଦାଲତକୁ ଚାଲାଣ କରାଯାଉଥିବା ଡେପୁଟି କମିଶନର ରାଜେନ୍ଦ୍ର ଭୋତ୍ରା ସୂଚନା ଦେଇଛନ୍ତି। ଜବତ ହୋଇଥିବା ମହୁଲ ଫୁଲ ଓ ଗାଡିର ଆନୁମାନିକ ମୂଲ୍ୟ ୨୬ ଲକ୍ଷ ଟଙ୍କା ହେବ ବୋଲି ଅବକାରୀ ବିଭାଗ ପକ୍ଷରୁ ସୂଚନା ଦିଆଯାଇଛି।
Comments are closed.