ଗୁରୁଡିଝାଟିଆ : ମଞ୍ଚେଶ୍ୱର ପଞ୍ଚାୟତ ଲିଙ୍ଗାପଦା ଗ୍ରାମରେ ନିର୍ମିତ ନୂତନ ତାରିଣୀ ମନ୍ଦିରର ରତ୍ନମୁଦ ଉତ୍ସବ ଶୁଭଲଗ୍ନରେ ଶାସ୍ତ୍ରୀୟ ବିଧିମୁତାବକ, ପୂଜାର୍ଚ୍ଚନା ସହିତ ସମାପନ ହୋଇଛି । ଗାଁର ଆବାଳ ବୃଦ୍ଧ ବନିତା ସମବେତ ହୋଇ ମାଆଙ୍କ ମନ୍ଦିର ରତ୍ନମୁଦ ଉତ୍ସବରେ ଶୁଦ୍ଧପୂତ ଭାବରେ ଉପସ୍ଥିତ ରହି ନିଜକୁ ସଂଶ୍ଲିଷ୍ଟ କରିଥିଲେ । ଗାଁ ମାଆଙ୍କ ମନ୍ଦିର ନୂତନ କରି ସ୍ଥାପିତ ହୋଇଥିବାରୁ ମହିଳା, ଯୁବକ ଓ ମୁରବୀମାନେ ରତ୍ନମୁଦ ଉତ୍ସବର ସଫଳ ରୂପାୟନ ପାଇଁ ଲାଗି ପଡିଥିଲେ । ଯାଜ୍ଞିକ ବ୍ରାହ୍ମଣଙ୍କ ପୂଜାର୍ଚ୍ଚନାରେ ବଂଶୀଧର ବେହେରା କର୍ତ୍ତା ଭାବରେ କାର୍ଯ୍ୟ ସଂପାଦନ କରିଥିଲେ। ସ୍ଥାନୀୟ ଅଞ୍ଚଳର ସଂକୀର୍ତ୍ତନ ମଣ୍ଡଳୀ ଓ ଆଧ୍ୟାତ୍ମିକ ପ୍ରେମୀ ମାଆଙ୍କ ଜଣାଣ କରିଥିଲେ। ସ୍ଥାନୀୟ ବିଧାୟକ ତଥା କୃଷିମନ୍ତ୍ରୀ ରଣେନ୍ଦ୍ର ପ୍ରତାପ ସ୍ୱାଇଁ ରତ୍ନମୁଦ ଉତ୍ସବରେ ଯୋଗ ଦେଇଥିବା ବେଳେ ସ୍ଥାନୀୟ ଅଞ୍ଚଳର ବରିଷ୍ଠ ମୁରବୀମାନେ ଉପସ୍ଥିତ ରହିଥିଲେ। ଗାଁର ମୁରବୀ ସୁରେନ୍ଦ୍ର ସାହୁ, ରମେଶ ଚନ୍ଦ୍ର ସାହୁ, ଶୁକଦେବ ବେହେରା, ଶରତ ଚନ୍ଦ୍ର ସାହୁ, ଭାଗ୍ୟଧର ବେହେରା, ଗଙ୍ଗାଧର ପ୍ରଧାନ, ଯୋଗେନ୍ଦ୍ର ସାହୁ, ବଳରାମ ସାହୁ, ଦେବରାଜ ସାହୁ, ପ୍ରାଣକୃଷ୍ଣ ସାହୁ, ଉମେଶ ଚନ୍ଦ୍ର ସାହୁ, ଗୋକୁଳାନନ୍ଦ ସାହୁ, ଝୁଲିଆ ସାହୁ , ବାଙ୍କନିଧି ସାହୁ, ନବସାହୁ ଓ ସିଲୁଆ ସାହୁ ପ୍ରମୁଖ ଉପସ୍ଥିତ ରହି ରତ୍ନମୁଦ କାର୍ଯ୍ୟକୁ ସଂପାଦନ କରିଥିଲେ।
Comments are closed.