MEllora 950×100

ଗୋପବନ୍ଧୁ ମହିଳା କଲେଜରେ କନ୍ୟା ଦିବସ

ଆଠଗଡ଼: ଆଠଗଡ଼ସ୍ଥିତ ଗୋପବନ୍ଧୁ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟ (କନିଷ୍ଠ କଲେଜ) ଏନଏସଏସ ପକ୍ଷରୁ ମଙ୍ଗଳବାର ଜାତୀୟ ବାଳିକା ଦିବସ ପାଳିତ ହୋଇଯାଇଛି। କଲେଜର ଅଧ୍ୟକ୍ଷା ସଂଯୁକ୍ତା ମହାପାତ୍ରଙ୍କ ପୌରୋହିତ୍ୟରେ ଅନୁଷ୍ଠିତ ଏକ ସଚେତନତା ସଭାରେ ମୁଖ୍ୟଅତିଥି ଭାବେ ମହାତ୍ମାଗାନ୍ଧୀ ଇଂଲିଶ ମିଡିୟମ ସ୍କୁଲର ଅଧ୍ୟକ୍ଷା ପୁଲିନ ମିଶ୍ର ମୁଖ୍ୟଅତିଥି ଭାବେ ଯୋଗଦେଇ ବାଲିକା ଦିବସ ପାଳନର ମହତ୍ୱ ଓ ଉଦ୍ଦେଶ୍ୟ ସଂପର୍କରେ ଅବତାରଣା କରିଥିଲେ। ନାରୀଟିଏ ଜୀବନକାଳ ମଧ୍ୟରେ ବାଳିକା, କିଶୋରୀ ଓ ସଂପୂର୍ଣ୍ଣା ନାରୀ ଭାବେ ପରିବାର ସହିତ ସମାଜ ପାଇଁ ଅନେକ କିଛି କରିଥାଏ। କିନ୍ତୁ ବିଭିନ୍ନ କ୍ଷେତ୍ରରେ ନାରୀକୁ ଉପଯୁକ୍ତ ସମ୍ମାନ ମିଳୁନଥିବା ଏବଂ ନାରୀ ସମାଜରେ ଅନକାଂଶରେ ହତାଦରର ଶିକାର ହେବା ଦୁଃଖ ଓ ପରିତାପର ବିଷୟ ବୋଲି ଶ୍ରୀମତୀ ମିଶ୍ର କହିବା ସହ ନାରୀକୁ ସମାଜରେ ପୁରୁଷ ସହ ସମକକ୍ଷ ବିବେଚନା କରିବା ସଙ୍ଗେ ସଙ୍ଗେ ଉପଯୁକ୍ତ ସମ୍ମାନ ମିଳିବା ଆବଶ୍ୟକ ବୋଲି ମତବ୍ୟକ୍ତ କରିଥିଲେ। କଲେଜ ଅଧ୍ୟକ୍ଷା ଶ୍ରୀମତୀ ମହାପାତ୍ର ଓ ଏନଏସଏସ ଯୋଜନା ଅଧିକାରିଣୀ ଅଧ୍ୟାପିକା ସ୍ମିତା ମହାପାତ୍ର ପ୍ରମୁଖ ଉଦ୍‌‌ବୋଧନ ଦେଇ ନାରୀ ପୁରୁଷଙ୍କଠାରୁ କୌଣସି କ୍ଷେତ୍ରରେ ନ୍ୟୁନ ନୁହଁନ୍ତି ବୋଲି ବହୁ ଉଦାହରଣ ଦେଇ ମତପ୍ରକାଶକ କରିଥିଲେ। ଅଧ୍ୟାପକ ରଣେନ୍ଦ୍ର ପ୍ରତାପ ସ୍ୱାଇଁ ନାରୀ ପୁରୁଷଙ୍କ ପରି ସମସ୍ତ ସୁବିଧା ସୁଯୋଗ ଓ ଅଧିକାର ପାଇବା ଜରୁରୀ ବୋଲି ମତବ୍ୟକ୍ତ କରିଥିଲେ। ପ୍ରାରମ୍ଭରେ ଏନଏସଏସ ସ୍ୱେଚ୍ଛାସେବୀଙ୍କର ଏକ ସଚେତନତା ଶୋଭାଯାତ୍ରାକୁ ଅଧ୍ୟକ୍ଷା ଶ୍ରୀମତୀ ମହାପାତ୍ର ସବୁଜ ପତାକା ଦେଖାଇ ଉଦ୍‌‌ଘାଟନ କରିବା ପରେ ଛାତ୍ରୀମାନେ ସହର ପରିକ୍ରମା କରିଥିଲେ। ଶେଷରେ ସେମାନେ ଏକ ଚିତାକର୍ଷକ କ୍ଷୁଦ୍ର ନାଟକ ପରିବେଷଣ କରିଥିଲେ। ପ୍ରାଧ୍ୟାପିକା ପ୍ରମୋଦିନି ଜେନା ଧନ୍ୟବାଦ ଅର୍ପଣ କରିଥିଲେ।

Comments are closed.