MEllora 950×100

୧୪୬୦ଲିଟର ମଦ ସହ ୩ ଗିରଫ, ପିକ୍‌‌ଅପ ଭ୍ୟାନ ଜବତ

ଆଠଗଡ଼: କଟକ ଜିଲ୍ଲା ଅବକାରୀ ଅଧିକ୍ଷକଙ୍କ ତତ୍ତ୍ୱାବଧାନରେ ଆଠଗଡ଼ ଓ ବାଙ୍କୀ ଥାନା ଅନ୍ତର୍ଗତ ବିଭିନ୍ନ ଅଞ୍ଚଳରେ ଚଢାଉ କରାଯାଇ ବିପୁଳ ପରିମାଣରେ ଦେଶୀମଦ ଜବତ କରାଯାଇଥିବା ଜଣାପଡ଼ିଛି। ତିଗିରିଆ ଥାନା ଅନ୍ତର୍ଗତ ଭିରୁଡା ଅଞ୍ଚଳରୁ ବାଙ୍କୀ ଅଞ୍ଚଳକୁ ଏକ ବୋଲେରୋ ପିକ୍‌‌ଅପ ଭ୍ୟାନରେ ପ୍ରାୟ ୧୪୦୦ଲିଟର ମଦ ଚାଲାଣ ହେଉଥିବାବେଳେ ଆଠଗଡ଼ ଓ ବାଙ୍କୀ ଅବକାରୀ ବିଭାଗୀୟ ଅଧିକାରୀମାନେ ଜାତମୁଣ୍ଡିଆଠାରେ ଚଢାଉ କରି ଉକ୍ତ ଗାଡି ଓ ମଦ ସହିତ ବିଶ୍ୱଜିତ୍‌‌ ବେହେରା ନାମକ ବ୍ୟକ୍ତିଙ୍କୁ ଗିରଫ କରିଥିଲେ।

ସେହିପରି ମାଛଖିଆ ନୂଆଗାଁର ବିଜୟ କୁମାର ସେନାପତିଙ୍କ ଠାରୁ ୨୦ଲିଟର ଓ କୁଶପଙ୍ଗୀର ବସନ୍ତ ପ୍ରଧାନଙ୍କ ଠାରୁ ୪୦ଲିଟର ଦେଶୀମଦ ଜବତ କରାଯିବା ସହ ସେମାନଙ୍କୁ ଗିରଫ କରାଯାଇଛି। ଏହି ସମସ୍ତ ଜବତ ମଦର ଆନୁମାନିକ ମୂଲ୍ୟ ପ୍ରାୟ ୪ଲକ୍ଷ ଟଙ୍କା ହେବ ବୋଲି ବିଭାଗୀୟ ସୁତ୍ରରୁ ପ୍ରକାଶ। ଆଠଗଡ଼ ଅବକାରୀ ନିରୀକ୍ଷକ କେଶବଚନ୍ଦ୍ର ଦାସ, ଉପନିରୀକ୍ଷକ ରାଜକିଶୋର ଜେନା, ସହକାରୀ ଉପନିରୀକ୍ଷକ ପଙ୍କଜ କୁମାର କଅଁର, ଅବକାରୀ କର୍ମଚାରୀ ରାଜକୃଷ୍ଣ ବିଶ୍ୱାଳ, ଦୁଷ୍ମନ୍ତ କୁମାର ବସନ୍ତରା, ସନ୍ତୋଷ କୁମାର ମହାରଣା, ସଂଜୟ କୁମାର ରାଉତ, ସିମଲ ଟୁଡୁ ଓ ପ୍ରିୟତମା ରଥ ପ୍ରମୁଖ ଏହି ଚଢାଉରେ ଅଂଶଗ୍ରହଣ କରିଥିଲେ।

Comments are closed.