ଚିନ୍ତା ବଢାଇଲେ ସୁରତ ଫେରନ୍ତା : ଆଜି ରାଜ୍ୟରେ ଚିହ୍ନଟ ୨୦ ଆକ୍ରାନ୍ତ ସୁରତ ଫେରନ୍ତା ହୋଇଥିବା ସ୍ବାସ୍ଥ୍ୟ ବିଭାଗର ସୂଚନା

ଭୁବନେଶ୍ଵର : ଆଜି ରାଜ୍ୟରେ ଏକକାଳୀନ ସର୍ବାଧିକ ୨୦ ଜଣ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏହି ୨୦ ଜଣ ଆକ୍ରାନ୍ତଙ୍କୁ ମିଶାଇ ରାଜ୍ୟରେ ଆକ୍ରାନ୍ତଙ୍କ ସଂଖ୍ୟା ୨୦୫ରେ ପହଞ୍ଚିଛି । ଆଜି ରାଜ୍ୟ​‌​‌ରେ ଚିହ୍ନଟ ହୋଇଥିବା ୨୦ ଜଣଙ୍କ ମଧ୍ୟରେ ୧୭ ଜଣ ଗଞ୍ଜାମ ଜିଲାର ​‌ହୋଇଥିବା ବେଳେ ୩ ଜଣ ମୟୂରଭଞ୍ଜ ଜିଲାର ରହିଛନ୍ତି । ତେବେ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଆଜି ଚିହ୍ନଟ ହୋଇଥିବା ସମସ୍ତ ୨୦ ଜଣଙ୍କ ତଥ୍ୟ ଦିଆଯାଇଛି । ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଅନୁସାରେ ଆଜି ଚିହ୍ନଟ ସମସ୍ତ ଆକ୍ରାନ୍ତ ସୁରତ ଫେରନ୍ତା ହୋଇଥିବା ବେଳେ ସମସ୍ତେ କ୍ବାରେଣ୍ଟାଇନରେ ଥିଲେ ।

First Health Update, 7th May

17 New positives in Ganjam

All male, Age: 27, 27, 20, 38, 23, 29, 50, 30, 29, 21, 43, 43, 39, 46, 18, 24 & One Female, 20 yrs

3 Positive cases in Mayurbhanj
All Male, Age: 21, 36 & 44

(Surat returnees. In quarantine)

Total Positive Case: 205

— I & PR Department, Odisha (@IPR_Odisha) May 7, 2020

ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ସୂଚନା ଅନୁସାରେ ଗଞ୍ଜାମ ଜିଲାରୁ ଆଜି ଚିହ୍ନଟ ହୋଇଥିବା ୧୭ ଜଣଙ୍କ ମଧ୍ୟରେ ୧୬ ଜଣ ପୁରୁଷ ରହିଥିବା ବେଳେ ଜଣେ ମହିଳା ରହିଛନ୍ତି । ୧୬ ଜଣ ପୁରୁଷଙ୍କ ବୟସ ଯଥାକ୍ରମେ ୨୭,୨୭,୨୦,୩୮,୨୩,୨୯,୫୦,୩୦,୨୯,୨୧,୪୩,୪୩, ୩୯,୪୬,୧୮ ଓ ୨୪ ବର୍ଷ ରହିଥିବା ବେଳେ ମହିଳା ଜଣଙ୍କ ବୟସ ୨୦ ବର୍ଷ ରହିଥିବା ସୂଚନା ମିଳିଛି । ସେହିପରି ମୟୂରଭଞ୍ଜରୁ ଚିହ୍ନଟ ହୋଇଥିବା ୩ ଜଣଙ୍କ ମଧ୍ୟରେ ସମସ୍ତେ ପୁରୁଷ ରହିଛନ୍ତି । ସେମାନଙ୍କ ବୟସ ଯଥାକ୍ରମେ ୨୧,୩୬ ଓ ୪୪ ରହିଥିବା ବେଳେ ସମସ୍ତେ ସୁରତ ଫେରନ୍ତା ଥିବା ସ୍ବାସ୍ଥ୍ୟ ବିଭାଗ ସୂଚନା ଦେଇଛି ।