ସ୍କୁଲ୍ ପିଲାଙ୍କ ପାଇଁ ଲାଗୁ ହୋଇପାରେ ଯୁଗ୍ମ ଅଯୁଗ୍ମ ବ୍ୟବସ୍ଥା

ଭୁବନେଶ୍ଵର : ମହାମାରୀ କରୋନା ପାଇଁ ସମଗ୍ର ଦେଶ ଲକ୍ ଡାଉନ ହୋଇ ରହିଛି । ଏହାରି ମଧ୍ୟରେ ଦେଶର ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିଥିବା କାରଣରୁ ପାଠ ପଢାରେ ବ୍ୟାହତ ସୃଷ୍ଟି ହୋଇଛି । ଦେଶରେ ଏବଂ ରାଜ୍ୟରେ କରୋନା ସ୍ଥିତି ଧିରେ ଧିରେ ବିଗିଡିଯାଉଥିବା କାରଣରୁ ସ୍କୁଲ ପିଲାଙ୍କ ପାଇଁ ଶ୍ରେଣୀ ଗୃହରେ ଯୁଗ୍ମ-ଅଯୁଗ୍ମ ବ୍ୟବସ୍ଥା ଲାଗ କରିବା ପାଇଁ ଯୋଜନା କରାଯାଉଥିବା ସୂଚନା ମିଳିଛି । ନସିଇଆରଟି ନିର୍ଦ୍ଦେଶକଙ୍କ ସୂଚନା ଅନୁଯାଇ ପିଲାଙ୍କ ପାଠ ପଢାରେ ବ୍ୟାହତ ହେଉଥିବା କାରଣରୁ ଶ୍ରେଣୀ ଗୃହରେ ଯୁଗ୍ମ-ଅଯୁଗ୍ମ ବ୍ୟବସ୍ଥା ଲାଗ କରିବା ପାଇଁ ଯୋଜନା କରାଯାଉଛି । 

ଏହି ଯୁଗ୍ମ-ଅଯୁଗ୍ମ ବ୍ୟବସ୍ଥା ଅନୁସାରେ ଯୁଗ୍ମ ତାରିଖରେ ଯୁଗ୍ମ ରୋଲ ନମ୍ବର ଥିବା ପିଲା ସ୍କୁଲ ଆସିବେ ଏବଂ ଅଯୁଗ୍ମ ତାରିଖ ଦିନ ଅଯୁଗ୍ମ ରୋଲ ନମ୍ବର ଥିବା ପିଲା ସ୍କୁଲ ଆସିବେ । ନସିଇଆରଟି ପକ୍ଷରୁ ଏନେଇ ଯୋଜନା ପ୍ରସ୍ତୁତ କରାଯାଉଛି । ଖୁବଶୀଘ୍ର ଗାଇଡ଼ଲାଇନ ପ୍ରସ୍ତୁତ କରି କେନ୍ଦ୍ରକୁ ପଠାଯିବ । କେନ୍ଦ୍ର ମାନବ ସମ୍ବଳ ମନ୍ତ୍ରାଳୟର ଅନୁମତି ପରେ ସମସ୍ତ ରାଜ୍ୟ ଗୁଡ଼ିକୁ ପଠାଯିବ । ରାଜ୍ୟ ସରକାର ଚାହିଁଲେ ଏହାକୁ ସଂଶୋଧନ କରି ଲାଗୁ କରିପାରିବେ । ଏହି ବ୍ୟବସ୍ଥାର ମୂଳ ଆଧାର ରହିବ ସାମାଜିକ ଦୂରତା । ସ୍କୁଲ ଖୋଲିଲେ ଏହି ବ୍ୟବସ୍ଥା ଲାଗୁ କରିବା ନେଇ ଲକ୍ଷ୍ୟ ରଖାଯାଇଛି ।

Comments
Loading...