ନର୍ସଙ୍କ ଟିକ୍‍ଟକ୍‍ ନିଶା : ଏସଏନସିୟୁରେ ଚିକିତ୍ସା ଛାଡ଼ି ଭିଡିଓ ଶୁଟିଂରେ ମାତିଲେ, ନିଲମ୍ବନ ପାଇଁ ସୁପାରିଶ

ମାଲକାନଗିରି : ସାରା ବିଶ୍ୱକୁ ଏବେ ଟିକ୍‍ଟକ୍‍ ନିଶା ଘାରିଥିବା ବେଳେ ହସ୍ପିଟାଲର କର୍ମଚାରୀମାନେ ମଧ୍ୟ ଏଥିରୁ ବାଦ୍‍ ପଡ଼ିନାହାନ୍ତି। ମାଲକାନଗିରି ଜିଲା ମୁଖ୍ୟ ଚିକିତ୍ସାଳୟର ଗୁରୁତ୍ୱପୂର୍ଣ୍ଣ ବିଭାଗ ଏସଏନସିୟୁ ମଧ୍ୟରେ ଏଭଳି ଏକ ଘଟଣା ଦେଖିବାକୁ ମିଳିଛି। ଏହି ଟିକ୍‍ଟକ୍‍ ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବାପରେ ହସ୍ପିଟାଲ ପକ୍ଷରୁ ୯ଜଣ କର୍ମଚାରୀଙ୍କୁ ନିଲମ୍ବନ କରିବା ପାଇଁ ସ୍ୱାସ୍ଥ୍ୟ ବିଭାଗକୁ ସୁପାରିଶ କରାଯାଇଛି। ଗୁରୁତର ଅବସ୍ଥାରେ ଥିବା ଶିଶୁମାନଙ୍କୁ ଏଠାକୁ ସ୍ଥାନାନ୍ତର କରାଯାଇଥାଏ। ହେଲେ ଏଠାରେ ଦାୟିତ୍ୱରେ ଥିବା ମହିଳା କର୍ମଚାରୀ ଶିଶୁମାନଙ୍କ ଉପରେ ୨୪ ଘଣ୍ଟା ନଜର ରଖିବା ପରିବର୍ତ୍ତେ ଟିକ୍‍ଟକ୍‌ରେ ମଜାମସ୍ତି କରିବାର ଭିଡିଓ ଦେଖିବାକୁ ମିଳିଛି। କର୍ମଚାରୀମାନେ କାର୍ଯ୍ୟ ସମୟରେ କିଭଳି ନିଜ ଦାୟିତ୍ୱ ସମ୍ପାଦନ କରୁଛନ୍ତି ଏହି ଭିଡିଓରେ ଦେଖିଲେ ତାହା ସ୍ପଷ୍ଟ ବାରି ହୋଇଯାଉଛି। ଜଣେ କିମ୍ବା ଦୁଇ ଜଣ ନୁହେଁ ସମସ୍ତ ମହିଳା ନର୍ସମାନେ ଟିକ୍‍ଟକ୍‍ ଭିଡିଓ କରିବାରେ ମାତିଛନ୍ତି। ଏପରିକି ଗୁରୁତର ଶିଶୁକୁ ହାତରେ ଧରି ଟିକ୍‍ଟକ୍‌ରେ ଭିଡିଓ ଶୁଟିଂ କରିବାର ଦୃଶ୍ୟ ମଧ୍ୟ ସାମ୍ନାକୁ ଆସିଛି।

Comments
Loading...