ନୂଆପଡ଼ା : ନୂଆପଡ଼ା ସଦରବ୍ଲକ ଅନ୍ତର୍ଗତ ଡୁମେରପାଣି ପଞ୍ଚାୟତ ହଳଦୀ ଗ୍ରାମର ଯଶୋଦା ପାଣ୍ଡେ (୨୨) ଜିଲା ପାଇଁ ଏକ ଅନନ୍ୟ ଗୌରବ ଆଣିଛନ୍ତି। ପ୍ରତିବର୍ଷ ଡିସେମ୍ବର ୪ ତାରିଖରେ ବିଶ୍ୱ ଭଲେଣ୍ଟିିୟର ଦିବସ ଅବସରରେ ମିଳିତ ଜାତିସଂଘ ପକ୍ଷରୁ ଭି-ଆୱାର୍ଡ ପ୍ରଦାନ କରାଯାଉଥିବା ବେଳେ ଚଳିତବର୍ଷ ଭାରତର ୧୦ ଜଣଙ୍କୁ ଏହି ପୁରସ୍କାର ଦିଆଯାଇଥିବା କେନ୍ଦ୍ର କ୍ରୀଡ଼ା ଓ ଯୁବବ୍ୟାପାର ମନ୍ତ୍ରୀ କିରଣ ରିଜଜୁ ଘୋଷଣା କରିଛନ୍ତି। ଏଥିମଧ୍ୟରୁ ଜଣେ ହେଲେ ଯଶୋଦା। ରୂପସିଂ ପାଣ୍ଡେ ଓ କମଳାବାଇଙ୍କ ଝିଅ ଯଶୋଦା ନୂଆପଡ଼ା ବ୍ଲକର ଅନନ୍ୟା ଗାର୍ଲସ ଫେଡେରେସନର ସଭାନେତ୍ରୀ ଭାବେ କାର୍ଯ୍ୟ କରୁଛନ୍ତି। ବିଶେଷକରି ସେ ବାଲ୍ୟବିବାହ ରୋକିବା ଉପରେ କାର୍ଯ୍ୟ କରୁଛନ୍ତି। ଗତ ୫ବର୍ଷ ମଧ୍ୟରେ ସେ ୧୫ରୁ ଊର୍ଦ୍ଧ୍ବ ବାଲ୍ୟବିବାହ ଅଟକାଇବାରେ ସଫଳ ହୋଇପାରିଛନ୍ତି।
Comments are closed.