ରାଜ୍ୟ ସଭା ନିର୍ବାଚନ ବିଜ୍ଞପ୍ତି ଜାରି: ଆଜିଠୁ ନାମାଙ୍କନ ଦାଖଲ

ଭୁବନେଶ୍ଵର: ଆସନ୍ତା ମାର୍ଚ୍ଚ ୨୬ରେ ଓଡ଼ିଶାରୁ ଖାଲିପଡ଼ୁଥିବା ୪ଟି ରାଜ୍ୟସଭା ଆସନ ପାଇଁ ନିର୍ବାଚନ ଅନୁଷ୍ଠିତ ହେବ। ଏଥିପାଇଁ ଶୁକ୍ରବାର ବିଜ୍ଞପ୍ତି ପ୍ରକାଶ ପାଇଛି। ଏହା ସହିତ ଆଜିଠାରୁ ପ୍ରାର୍ଥୀମାନେ ସେମାନଙ୍କ ନାମାଙ୍କନପତ୍ର ଦାଖଲ କରିପାରିବେ। ଆସନ୍ତା ୧୩ ତାରିଖ ନାମାଙ୍କନପତ୍ର ଦାଖଲର ଶେଷ ଦିନ ରହିଛି। ୧୬ ତାରିଖରେ ନାମାଙ୍କନପତ୍ର ଯାଞ୍ଚ କରାଯିବ ଏବଂ ୧୮ ତାରିଖରେ ନାମାଙ୍କନପତ୍ର ପ୍ରତ୍ୟାହାର କରିବାର ଶେଷ ଦିବସ ଧାର୍ଯ୍ୟ ହୋଇଛି।

ସୂଚନାଯୋଗ୍ୟ, ଓଡ଼ିଶା ସମେତ ୧୭ଟି ରାଜ୍ୟରେ ୫୫ ରାଜ୍ୟସଭା ଆସନ ପାଇଁ ନିର୍ବାଚନ ଲାଗି ନିର୍ବାଚନ କମିଶନଙ୍କ ପକ୍ଷରୁ ଘୋଷଣା କରାଯାଇଥିଲା। ଓଡ଼ିଶାର ୪ ଆସନରେ ନିର୍ବାଚନ ହେବ। ରାଜ୍ୟ ବିଧାନସଭାରେ ଆସନ ସଂଖ୍ୟାକୁ ଦୃଷ୍ଟି ଦେଲେ ୩ଟି ଆସନ ବିଜେଡି ଅକ୍ତିଆର କରିବ। ତେବେ ୪ର୍ଥ ଆସନ ପାଇଁ ବିଜେଡି, କଂଗ୍ରେସ ଏବଂ ବିଜେପିର ଯଥେଷ୍ଟ ସଦସ୍ୟ ନାହାନ୍ତି। ତେଣୁ ଏହି ଆସନ କାହା ସପକ୍ଷରେ ଯିବ ଏବଂ ବିଜେଡ଼ି ଏଥିପାଇଁ କି ପ୍ରକାର ରଣନୀତି ଆପଣାଇବ ତାହା ଉପରେ ସମସ୍ତଙ୍କ ନଜର ରହିଛି।

Comments
Loading...