ସଂସଦର ଶୀତକାଳୀନ ଅଧିବେଶନ ବସିବ ନାହିଁ। ଏ ନେଇ ସରକାର ବିରୋଧୀଦଳର ଦାବିକୁ ପ୍ରତ୍ୟାଖ୍ୟାନ କରିଛନ୍ତି। ବିରୋଧୀ ଦଳଗୁଡିକ ସଂସଦର ଶୀତକାଳୀନ ଅଧିବେଶନ ଡାକିବା ପାଇଁ ଦାବି କରିଛନ୍ତି। ସରକାର ବିରୋଧୀ ଦଳଙ୍କୁ ପ୍ରଶ୍ନ କରିଛନ୍ତି ଯେ ମୌସୁମୀ ଅଧିବେଶନକୁ ଶୀଘ୍ର ବନ୍ଦ କରିବାକୁ କହିଥିବା କଂଗ୍ରେସ କାହିଁକି ଶୀତକାଳୀନ ଅଧିବେଶନ ବସିବା ଦାବି କରୁଛି?
ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ଯୋଶୀ ସ୍ପଷ୍ଟ କରିଛନ୍ତି ଯେ ସଂସଦର ଶୀତକାଳୀନ ଅଧିବେଶନ ହେବ ନାହିଁ, ସିଧାସଳଖ ବଜେଟ୍ ଡକାଯିବ। ଦିଲ୍ଲୀରେ କୋଭିଡ -୧୯ ସଂକ୍ରମଣ ବୃଦ୍ଧି ପାଉଥିବା ବେଳେ ସଂସଦର ଶୀତକାଳୀନ ଅଧିବେଶନ ଆୟୋଜନ କରାଯିବ ନା ସିଧାସଳଖ ସଂସଦର ବଜେଟ୍ ଅଧିବେଶନ ହେବ ସେ ନେଇ ଶ୍ରୀ ଯୋଶୀ ବିଭିନ୍ନ ରାଜନୈତିକ ଦଳର ନେତାଙ୍କ ସହ ଅନୌପଚାରିକ ଭାବେ କଥାବାର୍ତ୍ତା କରିଛନ୍ତି। କିଛିଦିନ ପୂର୍ବରୁ ସଂସଦର ମୌସୁମୀ ଅଧିବେଶନ ଶେଷ ହୋଇଥିବାରୁ ବଜେଟ୍ ଅଧିବେଶନ ସିଧାସଳଖ ହୋଇପାରିବ ବୋଲି ଅନେକ ନେତା ପରାମର୍ଶ ଦେଇଛନ୍ତି।
କଂଗ୍ରେସ ଦ୍ୱାରା ସଂସଦର ଶୀତକାଳୀନ ଅଧିବେଶନ ବସିବା ସମ୍ପର୍କିରେ ଶ୍ରୀ ଯୋଶୀ କହିଛନ୍ତି ଯେ ସେପ୍ଟେମ୍ବରରେ ମୌସୁମୀ ଅଧିବେଶନ ଶୀଘ୍ର ଶେଷ କରିବାକୁ କାହିଁକି ଦାବି କରିଥିଲା ଏବଂ ପୁନର୍ବାର ଅଧିବେଶନ ଡାକିବା ପାଇଁ ହେଉଥିବା ଦାବିର କାରଣ ସେ ଦଳକୁ ପଚାରିବାକୁ ଚାହୁଁଛନ୍ତି।
Comments are closed.