ନିର୍ଭୟା ମାମଲା: ବିନୟ ରାଜକ୍ଷମା ଖାରଜ ସମୀକ୍ଷା ଆବେଦନକୁ ପ୍ରତ୍ୟାଖାନ କଲେ ସୁପ୍ରିମକୋର୍ଟ

ନୂଆଦିଲ୍ଲୀ: ନିର୍ଭୟା ସାମୁହିକ ବଳାତ୍କାର ଓ ହତ୍ୟା ମାମଲାର ଦୋଷୀ ବିନୟ ଶର୍ମାର କ୍ଷମା ଆବେଦନକୁ ଖାରଜ କରାଯିବା ପାଇଁ ହୋଇଥିବା ସୁପାରିଶର ପରୀକ୍ଷାନିରୀକ୍ଷା କରାଯିବା ଲାଗି ସେ କରିଥିବା ଅନୁରୋଧକୁ ସୁପ୍ରିମକୋର୍ଟ ପ୍ରତ୍ୟାଖାନ କରିଦେଇଛନ୍ତି। ଆବେଦନକୁ ଖାରଜ କରି ଜଷ୍ଟିସ ଆର୍‍. ଭାନୁମତି, ଅଶୋକ ଭୂଷଣ ଓ ଏ.ଏସ୍‍. ବୋପନ୍ନାଙ୍କ ଖଣ୍ଡପୀଠ କହିଛନ୍ତି ଦିଲ୍ଲୀ ଉପରାଜ୍ୟପାଳ ଓ ଗୃହ ମନ୍ତ୍ରୀ କ୍ଷମା ଆବେଦନକୁ ଖାରଜ କରାଯିବା ପାଇଁ ସୁପାରିଶ ପତ୍ରରେ ସ୍ୱାକ୍ଷର କରିଛନ୍ତି।

ରାଷ୍ଟ୍ରପତିଙ୍କ ଦ୍ୱାରା କ୍ଷମା ଆବେଦନ ଖାରଜ ହେବାକୁ ଚ୍ୟାଲେଞ୍ଜ କରି ବିନୟ ଶର୍ମା ମଙ୍ଗଳବାର ଦିନ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲା। ଦିଲ୍ଲୀ ଉପରାଜ୍ୟପାଳ ଓ ଘରୋଇ ମନ୍ତ୍ରୀ କ୍ଷମା ଆବେଦନରେ ସ୍ୱାକ୍ଷର କରିନଥିଲେ ବୋଲି ବିନୟ ଶର୍ମା ପକ୍ଷରୁ ଅଭିଯୋଗ କରାଯାଇଥିଲା। ବିନୟର ଓକିଲ ଅଭିଯୋଗ କରିଥିଲେ ଯେ କ୍ଷମା ଆବେଦନ ଉପରେ ସାମ୍ବିଧାନିକ ତଥ୍ୟକୁ ବିଚାରକୁ ନିଆନଯାଇ ଜାଣିଶୁଣି ଖାରଜ କରାଯାଇଛି।

Comments
Loading...