ପାଇକମାଳ ଗନ୍ଧମାର୍ଦନ ତଳି ଅଞ୍ଚଳରେ ମାଓବାଦୀ ପୋଷ୍ଟର

ବରଗଡ଼ : ଦୀର୍ଘ ଦିନ ପରେ ପାଇକମାଳ ଗନ୍ଧମାର୍ଦନ ଅଞ୍ଚଳରେ ମାଓବାଦୀ ପୁଣି ନିଜର ସ୍ଥିତି ଜାହିର କରିଛନ୍ତି। ବରଗଡ଼ ଜିଲା ପାଇକମାଳ ନୂଆପଡ଼ା ରାସ୍ତା କଡ଼ର ଚେରେଙ୍ଗାଝାଞ୍ଜ ବସ ଷ୍ଟାଣ୍ଡ ନିକଟରେ ରବିବାର ସକାଳେ ମାଓବାଦୀଙ୍କ ପୋଷ୍ଟର ଓ ବ୍ୟାନର ଲାଗି ଥିବା ଦେଖିବାକୁ ମିଳିଛି। ଆସନ୍ତା ୨ ରୁ ୮ ତାରିଖ ଯାଏଁ ପିଏଲଜିଏ ସପ୍ତାହ ପାଳନ କରିବାକୁ ଅନୁରୋଧ କରିଥିବା ପୋଷ୍ଟରରେ ଉଲ୍ଲେଖ ରହିଛି। ଦଳିତ ଆଦିବାସୀ ମୁଲସିମ ଅଳ୍ପ ସଂଖ୍ୟକଙ୍କୁ ସାହାଯ୍ୟ କରିବାକୁ , ବ୍ରାହ୍ମଣୀୟ ହିନ୍ଦୁ ଫାଶୀ ବାଦକୁ ବିରୋଧ, ଡ଼ିସେମ୍ବର ୬ ତାରିଖକୁ ହିନ୍ଦୁ ଫାଶୀ ବାଦ ବିରୋଧୀ ଦିବସ ଭାବେ ମାନିବାକୁ ପୋଷ୍ଟରରେ ଲେଖାଯାଇଛି। ପୋଷ୍ଟର ଗୁଡ଼ିକ ଓଦା ହୋଇଥିବାରୁ ସଠିକ ଭାବେ ପଢିବା ସମ୍ଭବ ହେଉନଥିବା ଜଣାପଡ଼ିଛି। ଏହାସହ ଚେରେଙ୍ଗାଝାଞ୍ଜ ଗ୍ରାମ ନିକଟରେ ଲାଗିଥିବା ଏହି ପୋଷ୍ଟର ଅନିତି ଦୂରରେ ବରତୁଣ୍ଡା ଠାରେ ସିଆରପିଏଫ କ୍ୟାମ୍ପ ରହିଛି। ଘଟଣାସ୍ଥଳକୁ ପାଇକମାଳ ପୁଲିସ ପହଞ୍ଚି ତଦନ୍ତ ଆରମ୍ଭ କରିଥିବା ସୂଚନା ମିଳିଛି।

Comments
Loading...