MEllora 950×100

ଆଜି ଠାରୁ ସାରା ରାଜ୍ୟରେ ଟ୍ରାଫିକ ନିୟମ କଡ଼ାକଡ଼ି, ସାବଧାନ ଉଲ୍ଲଂଘନକାରୀ ଗଣିବାକୁ ପଡ଼ିବ ଭାରୀ ଅଙ୍କର ଜରିମାନା

ଭୁବନେଶ୍ୱର : ରବିବାର ଅର୍ଥାତ ଆଜି ଠାରୁ ସାରା ରାଜ୍ୟରେ ଟ୍ରାଫିକ ନିୟମ କଡ଼ାକଡ଼ି ଭାବେ ଲାଗୁ କରାଯାଇଛି। । ଏଥିପାଇଁ ସବୁ ଜିଲ୍ଲାପାଳ ଓ ଏସପିଙ୍କୁ ପରିବହନ ବିଭାଗ ନିର୍ଦ୍ଦେଶ ଦେଇଛନ୍ତି। ବିଶେଷ କରି ଯାଞ୍ଚ ସମୟରେ ୧୦ଟି ଟ୍ରାଫିକ ନିୟମ ଉଲ୍ଲଂଘନ କଲେ ଉଲ୍ଲଂଘନକାରୀଙ୍କୁ ଜରିମାନା ଗଣିବାକୁ ପଡ଼ିବ। ଜରିମାନା ନଦେଲେ ଆରଟିଓ କାର୍ଯ୍ୟାଳୟ ଖାତାରେ ନାଁ ଚଢିବ । ଏହା ସହ ଜରିମାନା ଟଙ୍କାର ସୁଧମୂଳ କରି ଟ୍ରାଫିକ ଉଲ୍ଲଂଘନକାରୀଙ୍କ ଠାରୁ ଆଦାୟ ହେବ ବୋଲି ପୁଲିସ କମିଶନର ଡ଼କ୍ଟର ସୁଧାଂଶୁ ଷଡ଼ଙ୍ଗୀ ସୂଚନା ଦେଇଛନ୍ତି। କେବଳ ଡ଼୍ରାଇଭିଂ ଲାଇସେନ୍ସ, ଫିଟନେସ୍‍ , ପଲ୍ୟୁସନ ଭଳି ଗାଡ଼ି କାଗଜପତ୍ରକୁ ଛାଡ଼ି ଦେଲେ ଅନ୍ୟ ସମସ୍ତ କ୍ଷେତ୍ରରେ ଟ୍ରାଫିକ ନିୟକୁ କଡ଼ାକଡ଼ି ଭାବେ ପାଳନ କରାଯିବ। ମଦ୍ୟପାନ କରି ଗାଡ଼ି ଚଳାଇଲେ ୧ ହଜାର ଟଙ୍କା ଫାଇନ, ଦ୍ରୁତ ଗତିରେ ଗାଡ଼ି ଚଳାଇଲେ ୫ ହଜାର, ଟ୍ରାଫିକର ବିପରୀତ ଦିଗରେ ଗାଡ଼ି ଚଲାଇଲେ ୫ ହଜାର, ଗାଡ଼ି ଚାଳନା ସମୟରେ ମୋବାଇଲ ବ୍ୟବହାର କଲେ ୫ ହଜାର, ବିପଦପୂର୍ଣ୍ଣ ଗାଡ଼ି ଚାଳନା ପାଇଁ ୫ ହଜାର, ଦୁଇ ଚକିଆରେ ୩ ଜଣ ଗଲେ ୫ ହଜାର, ଅତ୍ୟଧିକ ଭାର ପରିବହନ ପାଇଁ ୨ ହଜାର, ରେଡ଼ ଲାଇଟ ଅବମାନନା କଲେ ୫ ହଜାର, ହେଲମେଟ ନପିନ୍ଧିଲେ ୧ ହଜାର, ସିଟ୍‍ ବେଲ୍ଟ ନପିନ୍ଧିଲେ ୧ ହଜାର ଜରିମାନା ଭରିବାକୁ ପଡ଼ିବ। ଏହାସହ ରାଜଧାନୀ ଭୁବନେଶ୍ୱରର ରୁପାଲି ଛକରେ ଅତ୍ୟାଧୁନିକ ଅଟୋମେଟିକ ନମ୍ବର ପ୍ଲେଟ ରିଡ଼ର ମେସିନ ଲାଗିଛି। ଏହି ମେସିନରେ ଗାଡ଼ିର ନମ୍ବର ସ୍କାନ ହୋଇ ସିଧାସଳଖ ଡ଼ାକ ଯୋଗେ ଘଠକୁ ଚାଲାଣ ପଠାଯିବ।

Comments are closed.