ଅର୍ଥମନ୍ତ୍ରୀ ନିର୍ମଳା ସୀତାରମଣ କହିଛନ୍ତି ଯେ ସଂସଦରେ କେନ୍ଦ୍ର ସରକାର ଗୃହୀତ କରିଥିବା କୃଷି ସମ୍ବନ୍ଧୀୟ ୩ଟି ନୂଆ ଆଇନ କୃଷକମାନଙ୍କୁ ସେମାନଙ୍କ ଉତ୍ପାଦ ବିକ୍ରୟ ସହ ଜଡିତ ପ୍ରତିବନ୍ଧକରୁ ମୁକ୍ତ କରିବ। ଗତ ସନ୍ଧ୍ୟାରେ ଚେନ୍ନାଇରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରିବା ସମୟରେ ସେ କହିଛନ୍ତି ଯେ ଏହି ଆଇନ ତିଆରି କରିବା ପୂର୍ବରୁ କୃଷି ବିଶେଷଜ୍ଞ, କୃଷକ ଏବଂ ଚାଷ ସହ ଜଡିତ ବିଭିନ୍ନ ବ୍ୟକ୍ତିଙ୍କ ସହ ବିସ୍ତୃତ ଆଲୋଚନା କରାଯାଇଥିଲା। ଅର୍ଥମନ୍ତ୍ରୀ କହିଛନ୍ତି ଯେ କୃଷକମାନେ ସେମାନଙ୍କର ଉତ୍ପାଦକୁ ଯେକୌଣସି ସ୍ଥାନରେ ଏବଂ ଯେକୌଣସି ବ୍ୟବସାୟୀଙ୍କୁ ବିକ୍ରୟ କରିବାର ସ୍ୱାଧୀନତା ସତ୍ୱେ ସର୍ବନିମ୍ନ ସହାୟତା ମୂଲ୍ୟ ବ୍ୟବସ୍ଥା ଜାରି ରହିବ।
ଚୁକ୍ତିଭିତ୍ତିକ ଚାଷ କରି ଜମିର ମାଲିକାନାକୁ ନେଇ ଆଶଙ୍କା ସମ୍ପୂର୍ଣ୍ଣ ଭିତ୍ତିହୀନ ବୋଲି ସୀତାରାମଣ କହିଛନ୍ତି। କୃଷି ଉତ୍ପାଦର ମୂଲ୍ୟରେ ପରିବର୍ତ୍ତନରୁ କୃଷକମାନଙ୍କୁ ସୁରକ୍ଷା ଦିଆଯିବ ବୋଲି ସେ କହିଛନ୍ତି। ଶ୍ରୀମତୀ ସୀତାରାମଣ କହିଛନ୍ତି ଯେ ବିଭିନ୍ନ ରାଜନୈତିକ ଦଳ ସେମାନଙ୍କ ନିର୍ବାଚନରେ ଏହି ଆଇନର କିଛି ବ୍ୟବସ୍ଥା ଅନ୍ତର୍ଭୁକ୍ତ କରିଛନ୍ତି ଯଦିଓ ବର୍ତ୍ତମାନ ସେମାନେ ରାଜନୈତିକ କାରଣରୁ ଏହାକୁ ବିରୋଧ କରୁଛନ୍ତି।
ସେ କହିଛନ୍ତି ଯେ ସର୍ବନିମ୍ନ ସହାୟତା ମୂଲ୍ୟ ବ୍ୟବସ୍ଥାରେ ୨୨ରୁ ୨୩ଟି କୃଷିଜାତ ଦ୍ରବ୍ୟ ରହିଥିଲା, କିନ୍ତୁ ସହାୟତା ମୂଲ୍ୟର ନିୟମିତ ଘୋଷଣା କେବଳ ଗହମ ଏବଂ ଧାନ ଉତ୍ପାଦ ଉପରେ କରାଯାଉଥିଲା ଯାହା ଦ୍ୱାରା କୃଷକମାନେ ତୈଳବୀଜ ଏବଂ ଡାଲି ବଦଳରେ ଧାନ ଓ ଗହମ ବୁଣିବାକୁ ପସନ୍ଦ କରୁଥିଲେ।
ସେ କହିଛନ୍ତି ଯେ ଏହା ସହ ଦେଶକୁ ବହୁ ପରିମାଣରେ ତୈଳବୀଜ ଆମଦାନୀ କରିବାକୁ ପଡୁଥିଲା। ନୂତନ କୃଷି ସମ୍ବନ୍ଧୀୟ ଆଇନ ପ୍ରଣୟନ ହେବା ପରେ ଏହି ପରିସ୍ଥିତିରେ ପରିବର୍ତ୍ତନ ହେବ ବୋଲି ଅର୍ଥମନ୍ତ୍ରୀ କହିଛନ୍ତି। ଶ୍ରୀମତୀ ସୀତାରାମଣ କହିଛନ୍ତି ଯେ ବର୍ତ୍ତମାନ କୃଷକମାନେ ବହୁ ପରିମାଣର କୃଷିଜାତ ଦ୍ରବ୍ୟ ପ୍ରକ୍ରିୟାକରଣ ପାଇଁ ସଂରକ୍ଷଣ କରିପାରିବେ ଯାହା ଫଳରେ ସେମାନେ ଉତ୍ପାଦର ମୂଲ୍ୟକୁ ନିରବଚ୍ଛିନ୍ନ ଭାବରେ ବୃଦ୍ଧି କରିପାରିବେ। ସେ କହିଛନ୍ତି ଯେ ଏହା ଶୀଘ୍ର ନଷ୍ଟ ହୋଇଯାଉଥିବା ଉତ୍ପାଦର ଅପଚୟକୁ ରୋକିବ ଏବଂ କୃଷକ ତଥା ଦେଶକୁ ଏକ ବଡ଼ ଉପାୟରେ ବଞ୍ଚାଇବ।
ଅର୍ଥମନ୍ତ୍ରୀ କହିଛନ୍ତି ଯେ ଯଦି ଚୁକ୍ତିଭିତ୍ତିକ ଚାଷରେ କ୍ରେତା ଏବଂ ଚାଷୀଙ୍କ ମଧ୍ୟରେ ବିବାଦ ଉପୁଜେ ତେବେ ବିବାଦର ସମାଧାନ ବ୍ୟବସ୍ଥା ମାଧ୍ୟମରେ ଏହାର ସମାଧାନ ହୋଇପାରିବ। ଏହି ବ୍ୟବସ୍ଥା ଜିଲ୍ଲାପାଳମାନଙ୍କ ଅଧୀନରେ କାମ କରିବ।
Comments are closed.