ଜନ୍ମଦିନ ସ୍ୱତନ୍ତ୍ର : ନେତାଜୀଙ୍କ ପ୍ରିୟ ଖାଦ୍ୟ

ଆଜି ନେତାଜୀ ସୁଭାଷ ଚନ୍ଦ୍ର ବୋଷଙ୍କ ଜନ୍ମଜୟନ୍ତୀ । ଜନ୍ମତିଥି ଅବସରରେ ନେତାଜୀଙ୍କୁ ମନେ ପକାଉଛି ସାରା ଦେଶ । ଆଜାଦ୍‍ ହିନ୍ଦ୍‍ ଫୌଜର ପ୍ରଣେତା ନେତାଜୀ ସୁଭାଷ ଚନ୍ଦ୍ର ବୋଷଙ୍କ ବିଷୟରେ ସଭିଏଁ ଅଳ୍ପ ବହୁତ ଜାଣିଥିବେ ଓ ଶୁଣିଥିବେ। ମାତ୍ର ହୁଏତ ଆପଣ ଜାଣି ନଥିବେ ସେ କେଉଁ ଖାଦ୍ୟ ଖାଇବାକୁ ପସନ୍ଦ କରୁଥିଲେ।
– ନେତାଜୀ ନିୟମିତ ଭାତ, ଡ଼ାଲି, ପୁରୀ ଓ ଦହି ଖାଉଥିଲେ।
– ଫଳ ମଧ୍ୟରେ ସେ ପ୍ରତିଦିନ ନିଶ୍ଚୟ କଦଳୀ ଖାଇବା କେବେ ମଧ୍ୟ ଛାଡ଼ିନଥିଲେ।
– ସେ ମିଠା ମଧ୍ୟରେ ରସଗୋଲା, ଚମଚମ, ପିଠାପୁଲି ଓ ସନ୍ଦେଶ ଖାଇବାକୁ ଖୁବ ପସନ୍ଦ କରୁଥିଲେ। ଯେଉଁସମୟରେ ତାଙ୍କର ଏହି ସୁସ୍ୱାଦୁ ମିଠା ଖାଇବାକୁ ଇଚ୍ଛା କରୁଥିଲେ, ସେ ନିଶ୍ଚୟ ଖାଉଥିଲେ।
– ନେତାଜୀ ସକାଳୁ ଆରମ୍ଭ କରି ସନ୍ଧ୍ୟା ଯାଏଁ ଲବଙ୍ଗ, ଗୁଜୁରାତି ଓ ଗୁଆ ଚୋବାଇବାକୁ ଖୁବ ପସନ୍ଦ କରୁଥିଲେ।
– ଏହା ବ୍ୟତୀତ ସେ ଯେତେ ଭୋଜନ ପ୍ରେମୀ ଥିଲେ, ଖାଦ୍ୟ ପ୍ରସ୍ତୁତ କରିବା ମଧ୍ୟ ତାଙ୍କର ଏକ ସଉକ ଥିଲା।
– ସିଙ୍ଗାପୁରରେ ଥିବା ସମୟରେ ସେ ପ୍ରତିଦିନ ନିଶ୍ଚୟ କଫି ପିଉଥିଲେ।
– ରାତି ଖାଦ୍ୟରେ ସେ ନିଜ ଅତିଥିମାନଙ୍କୁ ପାଳଙ୍ଗ, ଲାଉର ବ୍ୟଞ୍ଜନ ଓ ଫଳ ମଧ୍ୟରେ କଦଳୀ , ସେଓ ନିଶ୍ଚୟ ଖୁଆଉଥିଲେ।
– ନେତାଜୀ ନିଜେ ଖାଦ୍ୟପ୍ରେମୀ ଥିଲେ ଓ ଅନ୍ୟଙ୍କୁ ଖୁଆଇବାକୁ ମଧ୍ୟ ବେଶ ପସନ୍ଦ କରୁଥିଲେ।
– ସେ ସମ୍ପୂର୍ଣ୍ଣ ନିରାମିଷ ଖାଇବାକୁ ଇଚ୍ଛା କରିଥିଲେ ମଧ୍ୟ ମାଛ ଖାଇବା ଛାଡ଼ିପାରିନଥିଲେ। ଏହି କଥା ସେ ନିଜ ମା’ଙ୍କୁ ଏକ ଚିଠି ମାଧ୍ୟମରେ ଲେଖି ଜଣାଇଥିଲେ।

Comments
Loading...