ସମ୍ବଲପୁର : ଜିଲାସ୍ତରୀୟ ମିଳିତ ଅମଲାମଞ୍ଚ ସମ୍ବଲପୁର ଶାଖା ତରଫରୁ ସୋମବାର ମୁଖ୍ୟମନ୍ତ୍ରୀଙ୍କୁ ସମ୍ବଲପୁର ଜିଲାପାଳଙ୍କ ଜରିଆରେ ଦାବିପତ୍ର ପ୍ରଦାନ କରାଯାଇ ଅନେକ ଦିନରୁ ରହି ଆସିଥିବା ଦାବି ଗୁଡିକୁ ପୁରଣ କରିବା ପାଇଁ ଅନୁରୋଧ କରାଯାଇଛି। ପ୍ରଦତ୍ତ ଦାବିପତ୍ର ଅନୁଯାୟୀ, ରାଜ୍ୟ ସରକାର ୨୦୧୭ ମସିହାରେ ଗେଜେଟ ରିଜୋଲ୍ୟୁସନ ୨୭୩୬୭ ଜରିଆରେ ଜିଲା ଅମଲା ଚାକିରୀରେ ପ୍ରବେଶ ନିମନ୍ତେ ସର୍ବନିମ୍ନ ସ୍ନାତକୋତ୍ତର ସହିତ କମ୍ପ୍ୟୁଟର ଶିକ୍ଷାକୁ ଅର୍ନିବାର୍ଯ୍ୟ କରିଛନ୍ତି। ଏହା କାର୍ଯ୍ୟକାରୀ ହେବା ପରେ ଅମଲମଞ୍ଚ ପକ୍ଷରୁ ରାଜ୍ୟ ସରକାର ଓ ବିଭିନ୍ନ ଅଧିକାରୀ ମାନଙ୍କୁ ସେହି ଅନୁପାତରେ ଦରମା ବୃଦ୍ଧି ପାଇଁ ଦାବି କରାଯାଇ ଆସୁଛି। ସଂଘର ଦାବି ଅନୁଯାୟୀ ଦରମା ସ୍କେଲ କୁ ବୃଦ୍ଧି କରାଯାଇ ୯୩୦୦ ରୁ ୩୪୮୦୦ ଲାଗୁ କରାଯାଉ। କିନ୍ତୁ ବାରମ୍ବାର ଦାବି ସତ୍ୱେ ଏ ପର୍ଯ୍ୟନ୍ତ କୌଣସି ପଦକ୍ଷେପ ନିଆଯାଇ ନାହିଁ। ଏଣୁ ଆଗାମୀ ୩୦ ଏପ୍ରିଲ ପର୍ଯ୍ୟନ୍ତ ଯଦି ଦାବି ପୂରଣ ନ ହୁଏ, ତାହା ହେଲେ ଗଣତାନ୍ତ୍ରିକ ପଦ୍ଧତିରେ ଆନ୍ଦୋଳନାତ୍ମକ ପନ୍ତା ଗ୍ରହଣ କରିବାକୁ ଅମଲାମଞ୍ଚ ବାଧ୍ୟ ହେବ ବୋଲି ଦାବିପତ୍ରରେ ସୂଚାଇ ଦିଆଯାଇଛି। ଦାବିପତ୍ର ପ୍ରଦାନ ସମୟରେ ସଂଘର ସମ୍ବଲପୁର ସଭାପତି ମାନସ ରଞ୍ଜନ ମହାନ୍ତି, ପ୍ରହଲ୍ଲାଦ ରୋହିଦାସ ଙ୍କ ସମେତ ଅନ୍ୟ ସଦସ୍ୟ ମାନେ ଉପସ୍ଥିତ ରହିଥିଲେ।
Comments are closed.