ନବରଙ୍ଗପୁର: ନବରଙ୍ଗପୁର ଏସବିଆଇ ଶାଖା ନିକଟରେ ଏଟିଏମରୁ ବିଭିନ୍ନ ଜ୍ଞାନ କୌଶଳ ପ୍ରୟୋଗ କରି ଟଙ୍କା ଲୁଟ କରିବା ଉଦ୍ୟମ ଚାଲୁଥିବା ନେଇ ଭୁବନେଶ୍ବରରୁ ଏକ ଫୋନ କଲ ଆସିଥିଲା। ନବରଙ୍ଗପୁର ଥାନା ଅଧ୍ୟାକାରୀ ତାରିକ ଅହମ୍ମଦ ତୁରନ୍ତ ଏଟିଏମ ନିକଟରେ ପୋଲିସ ଫୋର୍ସ ଓ ସହ ଅଧିକାରୀଙ୍କୁ ନେଇ ଘେରିଥିଲେ। ଲୁଟ କରିବାକୁ ଆସିଥିବା ୪ ଜଣ ଉତରପ୍ରଦେଶର ବୋଲି ପ୍ରାଥମିକ ତଦନ୍ତରୁ ପୋଲିସ ଜାଣିବାକୁ ପାଇଛି। ସେମାନେ ଆଣିଥିବା କାର ନମ୍ବର (ୟୁପି୩୫ ବିଡି୦୧୦୪)ରେ ପ୍ରଥମେ ବସାଇ ତାହାର ଚାରିପାଖ ପୋଲିସ ଜଗି ରହି ପ୍ରଥମେ ସେମାନଙ୍କ ଠାରୁ ୫ଟି ମୋବାଇଲ ଜବତ କରିଥିଲେ।
ପୋଲିସ ଗାଡିରେ ୪ ଜଣଙ୍କୁ ଥାନାକୁ ଆଣିଥିଲେ। ବ୍ୟବହାର କରୁଥିବା କାରକୁ ପୋଲିସ ଥାନାକୁ ଆଣିଥିଲା। ଗାଡି ମଧ୍ୟରେ ୪ଟି ବ୍ୟାଗ, ୨୩ଟି ଏଟିଏମ କାର୍ଡ, ଏକାଧୁକ ପାସବୁକ, ୩ଟି ମନିପର୍ସ, କିଛି ଟଙ୍କା, ଗୋଟିଏ ମୋବାଇଲ ଏକ ପରିଚୟ ପତ୍ର ସମେତ ଗାଡିର କାଗଜ ପତ୍ର ମଧ୍ୟ ଜବତ କରିଛନ୍ତି। ଏନେଇ ପୋଲିସ ଘଟଣାର ତଦନ୍ତ ଚଳାଇଛି। ଏହି ଚଢାଉରେ ଥାନା ଅଧିକାରୀ ଅହମ୍ମଦ ସମେତ ଅତିରିକ୍ତ ଥାନା ଅଧିକାରୀ ରାମେଶ୍ବର ପ୍ରଥାନ, ଏ.ଏସଆଇ. ଅଶୋକ ଦେଓ ଏବଂ ପୁଲିସ ଫୋର୍ସ ସାମିଲ ଥିଲେ।
Comments are closed.