ତେଜପତ୍ର ମଟନ ତରକାରୀ 

ଆବଶ୍ୟକ ସାମଗ୍ରୀ
ମଟନ -୫୦୦ ଗ୍ରାମ
ତେଜପତ୍ର – ୪ଟି
କଟା ପିଆଜ – ୨ଟି
ବଟା ହୋଇଥିବା- ପିଆଜ,ଅଦା,ରସୁଣ
କଟା ଆଳୁ – ୨ଟି
ତେଲ – ୭ରୁ ୮ ଚାମଚ
ଚିନି – ଅଳ୍ପ
ଗୋଟା ମସଲା – ୩ଟି ଲବଙ୍ଗ
୩ଟି – ଗୁଜୁରାତି
୩ଟି – ଡ଼ାଲଚିନି
ଲୁଣ – ଆବଶ୍ୟକ ଅନୁଯାୟୀ
ହଳଦୀ ଗୁଣ୍ଡ
ଲଙ୍କା ଗୁଣ୍ଡ
ମିଟ୍‍ ମସଲା – ୧ ଚାମଚ
ପ୍ରସ୍ତୁତି ପ୍ରଣାଳୀ – ପ୍ରଥମେ ମଟନକୁ ଭଲ ଭାବେ ଧୋଇ ସାମାନ୍ୟ ହଳଦୀ ପକାଇ ଗୋଳାଇ ରଖନ୍ତୁ। ଏବେ ଗ୍ୟାସ ଲଗାଇ କୁକର ବସାନ୍ତୁ। ଏଥିରେ ତେଲ ଗରମ କରି ଆଳୁ ଭାଜନ୍ତୁ। ଆଳୁ ଭାଜି ହେବା ପରେ ଏକ ପାତ୍ରକୁ କାଢି ରଖନ୍ତୁ। ଏବେ ସେହି କଡ଼େଇରେ ସାମାନ୍ୟ ଚିନି ଓ ତେଜପତ୍ର ପକାନ୍ତୁ। ଏହା ପରେ କଟା ପିଆଜ ପକାଇ ଭାଜନ୍ତୁ। ପିଆଜ ଭାଜି ହେବା ପରେ ଅଦା,ରସୁଣ,ପିଆଜ ବଟା ପକାନ୍ତୁ। ଏବେ ଏଥିରେ ରଖିଥିବା ମଟନ, ହଳଦୀ ଗୁଣ୍ଡ,ଲଙ୍କା ଗୁଣ୍ଡ,ଲୁଣ, ପକାଇ ଭଲ ଭାବେ କଷନ୍ତୁ। କଷି ହେବା ପରେ ଭଜା ହୋଇରହିଥିବା ଆଳୁ, ମିଟ ମସଲା ପକାଇ ଏଥିରେ ପାଣି ଦିଅନ୍ତୁ ଓ କୁକର ଘୋଡ଼ଣୀ ଦେଇ ୨ରୁ ୩ଟି ସିଟି ହେବା ପରେ ଗ୍ୟାସରୁ ଓହ୍ଲାଇ ଦିଅନ୍ତୁ। ଏବେ ଲବଙ୍ଗ, ଗୁଜୁରାତି,ଡ଼ାଲଚିନିକୁ ଛେଚି ଦିଅନ୍ତୁ ଓ ପ୍ରସ୍ତୁତ କରି ରଖିଥିବା ମଟନ ତରକାରୀରେ ପକାଇ ଭଲ ଭାବେ ଗୋଳାଇ ଦିଅନ୍ତୁ। କିଛି ସମୟ ରଖିବା ପରେ ଗରମାଗରମ ଖାଆନ୍ତୁ ତେଜପତ୍ର ମଟନ ତରକାରୀ ।

Comments
Loading...