ମୁସଲମାନ ନେତାଙ୍କ ଉତ୍ତେଜନାପୂର୍ଣ୍ଣ ମନ୍ତବ୍ୟ; କହିଲେ ମନ୍ଦିର ଭାଙ୍ଗି ମସଜିଦ ନିର୍ମାଣ ହେବ

ନୂଆଦିଲ୍ଲୀ: ଅଯୋଧ୍ୟାରେ ରାମ ମନ୍ଦିର ନିର୍ମାଣ ପାଇଁ ଭୂମି ପୂଜନ ଓ ଶିଳାନ୍ୟାସ କରାଯିବାର ଦିନକ ପରେ ଦେଶର ଜଣେ ମୁସଲମାନ ନେତା ଉତ୍ତେଜନାପୂର୍ଣ୍ଣ ମନ୍ତବ୍ୟ ଦେଇଛନ୍ତି। ମନ୍ଦିର ଭାଙ୍ଗି ମସଜିଦ ନିର୍ମାଣ କରାଯିବ ବୋଲି ସର୍ବଭାରତୀୟ ଇମାମ୍‌ ଆସୋସିଏଶନର ସଭାପତି ସାଜିଦ ରସିଦି କହିଛନ୍ତି।

ଗୁରୁବାର ସାଜିଦ କହିଛନ୍ତି, ବିବାଦୀୟ ସ୍ଥଳରେ ମନ୍ଦିର ଭଙ୍ଗାଯାଇ ମସଜିଦ ନିର୍ମାଣ ହୋଇ ନ ଥିଲା। ସେଠାରେ ମନ୍ଦିର ନିର୍ମାଣ ହେବା ପରେ ତାକୁ ଭଙ୍ଗାଯାଇ ମସଜିଦ ନିର୍ମାଣ କରାଯିବ ବୋଲି ସେ କହିଛନ୍ତି। ଇସଲାମ କୁହେ, ମସଜିଦ ସବୁବେଳେ ମସଜିଦ ହୋଇ ରହିବ। ଅନ୍ୟ କୌଣସି ନିର୍ମାଣ ପାଇଁ ଏହାକୁ ଭଙ୍ଗାଯାଇ ପାରିବ ନାହିଁ। ଆମ ବିଶ୍ଵାସ ରହିଛି ସେଠାରେ ମସଜିଦ୍‌ ଥିଲା ଏବଂ ସବୁବେଳେ ରହିବ। ମନ୍ଦିରକୁ ଭାଙ୍ଗି ମସଜିଦ ତିଆରି ହୋଇ ନ ଥିଲା, କିନ୍ତୁ ଏବେ ମନ୍ଦିର ଭଙ୍ଗାଯାଇ ସେଠାରେ ମସଜିଦ ନିର୍ମାଣ କରାଯାଇପାରେ ବୋଲି ରସିଦି କହିଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ରାମ ମନ୍ଦିର ଶିଳାନ୍ୟାସ କାର୍ଯ୍ୟକ୍ରମରେ ଯୋଗଦେଇ ସମ୍ବିଧାନକୁ ଉଲ୍ଲଂଘନ କରିଛନ୍ତି ବୋଲି ସେ କହିଛନ୍ତି।

Comments
Loading...