ମୁଖୀଗୁଡା: ମୁଖୀଗୁଡା ଚାରି ଛକ ଠାରୁ ପାୱାର ହାଉସ ରାସ୍ତା ଗ୍ରମ୍ୟ ବ୍ୟାଙ୍କ ନିକଟସ୍ଥ ରାସ୍ତାରେ ଏକ ଗର୍ତ୍ତ ସୃଷ୍ଟି ହୋଇଥବାରୁ କୌଣସି ମୁହୂର୍ତ୍ତରେ ଦୁର୍ଘଟଣା ଘଟିବାର ସମ୍ଭାବନା ରହିଛି । ଗତ ୨ମାସ ତଳେ ଜୟପାଟଣା-ମୁଖୀଗୁଡା ରାସ୍ତା ନିର୍ମାଣ ହୋଇଥିଲା । ପୂର୍ତ୍ତି ବିଭାଗ ଏହାର ତଦାରଖ ଦାୟିତ୍ବରେ ଥିବାବେଳେ ରାସ୍ତା ନିର୍ମାଣ କାମ ନିମ୍ନମାନର ହୋଉଥିବା ସମ୍ପର୍କରେ ‘ସମାଜ’ରେ ଖବର ପ୍ରକାଶ ପାଇଥିଲା । ହେଲେ ଅସାଧୁ କର୍ମଚାରୀ ଏବଂ ଦୁର୍ନୀତି ଗ୍ରସ୍ତ ଠିକାଦାର ନିମ୍ନ ମାନର କାମକୁ ପ୍ରଶ୍ରୟ ଦେଇଥିଲେ । ଏବେ ରାସ୍ତା ନିର୍ମାଣର ୨ମାସ ପରେ ମୁଖୀଗୁଡା ଗ୍ରାମ୍ୟବ୍ୟାଙ୍ଗ ନିକଟ ରାସ୍ତାରେ ଗର୍ତ୍ତ ସୃଷ୍ଟି ହୋଇଥିବା ବେଳେ ପାୱାର ଗ୍ରୀଡ ଏବଂ ଜାମନାଲିପଡ଼ା ବ୍ରିଜ ନିକଟରେ ରାସ୍ତା ଦବିବା ଆରମ୍ଭ ହେଲାଣି । ଏଥି ଯୋଗୁଁ କୌଣସି ମୁହୂର୍ତ୍ତରେ ଯେକେହି ଦୁର୍ଘଟଣାର ସମ୍ଭୁଖୀନ ନହେବେ ଏଥିରେ ସନ୍ଦେହ ନାହିଁ । ତୁରନ୍ତ ରାସ୍ତା ମରାମତି କାର୍ଯ୍ୟ କରିବା ପାଇଁ ଦାବି ହୋଉଛି ।
Comments are closed.