ସହିଦ କର୍ଣ୍ଣେଲ ସନ୍ତୋଷ ବାବୁଙ୍କ ପତ୍ନୀଙ୍କୁ ଉପଜିଲ୍ଲାପାଳ ପଦ; ୫ କୋଟି ଟଙ୍କା ସହାୟତା

ଗାଲୱାନ ଘାଟୀରେ ଚୀନ୍ ସୈନ୍ୟଙ୍କ ସହ ସଂଘର୍ଷ ସମୟରେ ସହିଦ ହୋଇଥିବା କର୍ଣ୍ଣେଲ ସନ୍ତୋଷ ବାବୁଙ୍କ ପରିବାରକୁ ତେଲେଙ୍ଗାନା ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ ପାଞ୍ଚ କୋଟି ଟଙ୍କା ଓ ଜମି ପ୍ରଦାନ ସହ ତାଙ୍କ ପତ୍ନୀଙ୍କୁ ଉପଜିଲ୍ଲାପାଳ ପଦବୀରେ ନିଯୁକ୍ତି ଦେଇଛନ୍ତି। ଏଭଳି ସହାୟତା ପ୍ରତିରକ୍ଷା କ୍ଷେତ୍ରରେ କାର୍ଯ୍ୟ କରୁଥିବା ଯବାନମାନଙ୍କ ମନୋବଳ ବୃଦ୍ଧି କରିବ ବୋଲି କୁହାଯାଇଛି।

Telangana Govt would extend all help to the family of Col Santosh Kumar. Govt will give Rs 5 Crore cash to the family, a residential plot, Group 1 Job for his wife. For the other 19 Martyred army men in the same incident, state govt would give Rs 10 lakh each. pic.twitter.com/Y0Qadw26R4

— Telangana CMO (@TelanganaCMO) June 19, 2020

କେବଳ ସେତିକି ନୁହେଁ, ମୁଖ୍ୟମନ୍ତ୍ରୀ କେ. ଚନ୍ଦ୍ରଶେଖର ରାଓ କର୍ଣ୍ଣେଲ ସନ୍ତୋଷ ବାବୁଙ୍କ ପୈତୃକ ଗୃହକୁ ଗସ୍ତ କରି ତାଙ୍କ ପତ୍ନୀଙ୍କୁ ୫ କୋଟି ଟଙ୍କାର ଚେକ, ଉପଜିଲ୍ଲାପାଳ ପଦବୀରେ ନିଯୁକ୍ତି ପତ୍ର ଓ ବଂଜାରା ହିଲସରେ ୭୧୧ ସ୍କୋୟାରର ଜମି ପଟ୍ଟା ପ୍ରଦାନ କରିଥିଲେ।

ଅନ୍ୟପକ୍ଷରେ ମୁଖ୍ୟମନ୍ତ୍ରୀ ରାଓ ମଧ୍ୟ ସହିଦ ହୋଇଥିବା ଅନ୍ୟ ୧୯ ସୈନିକଙ୍କୁ କେନ୍ଦ୍ର ପ୍ରତିରକ୍ଷା ମନ୍ତ୍ରଣାଳୟ ମାଧ୍ୟମରେ ୧୦ ଲକ୍ଷ ଟଙ୍କା ଲେଖାଏଁ ପଠାଇଛନ୍ତି। ଏହି ଅବସରରେ ସେ କହିଛନ୍ତି, ସମଗ୍ର ଦେଶ ଆମ ଦେଶର ସୀମା ରକ୍ଷା କରୁଥିବା ସୈନିକଙ୍କ ସହିତ ଛିଡା ହେବା ଉଚିତ୍। ଆମକୁ ସହିଦ ହୋଇଥିବା ସୈନିକଙ୍କୁ ସମର୍ଥନ କରିବାକୁ ପଡିବ ଏବଂ ସେମାନଙ୍କ ପରିବାର ସଦସ୍ୟଙ୍କୁ ସାହାଯ୍ୟ କରିବାକୁ ପଡିବ। ଏହିପରି କାର୍ଯ୍ୟ ସେନା କର୍ମଚାରୀଙ୍କ ମଧ୍ୟରେ ଆତ୍ମବିଶ୍ୱାସ ଏବଂ ପରିବାର ସଦସ୍ୟଙ୍କୁ ସୁରକ୍ଷା ଦେବ ବୋଲି ସେ କହିଛନ୍ତି।