ଛେଳିଗଡ଼ରେ ତହସିଲଦାର ଓ ପୁଲିସ ଆକ୍ରମଣ ଘଟଣା: କାର୍ଯ୍ୟାନୁଷ୍ଠାନ ପାଇଁ ଜିଲାପାଳ ଓ ଏସପିଙ୍କୁ ଦାବିପତ୍ର

ମୋହନା: ରା, ଉଦୟଗିରି ଥାନା ଅନ୍ତର୍ଗତ ଛେଲିଗଡ ଗ୍ରାମରେ ଗତ ୦୭/୦୫ରେ ତହସିଲଦାର ଓ ପୁଲିସ ମିଳିତଭାବେ ବିବାହ ଭୋଜି ବନ୍ଦ କରିବାକୁ ଯାଇଥିବାବେଳେ ଆତର୍କିତ ଭାବେ କିଛି ଖଳ ପ୍ରକୃତିର ଲୋକେ ଆକ୍ରମଣ କରିଥିବା ଘଟଣାକୁ ନିନ୍ଦା କରିବା ସହ ଦୋଷୀ ପ୍ରତି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାପାଇଁ ଜିଲ୍ଲା ସୁରକ୍ଷା ନାଗରିକ ମଞ୍ଚ ପକ୍ଷରୁ ଦାବି ହୋଇଛି। ପ୍ରଥମ କରୋନା ମହାମାରୀ ସମୟ ଠାରୁ ଧାର୍ମିକ ଅନୁଷ୍ଠାନ ବନ୍ଦ କରିବା ସହ ଜାନିଯାତ୍ରା , ରଥଯାତ୍ରା. ଶିବରାତ୍ରି, ହୋଲି , ଦୀପାବଳୀ, ଦଶହରା , ବଡ଼ଦିନ ଆଦି କାର୍ଯ୍ୟକ୍ରମକୁ କେନ୍ଦ୍ର ଓ ରାଜ୍ୟ ପ୍ରଶାସନ ପକ୍ଷରୁ ବାରଣ କରାଯାଇଥିଲା। ଏହା ସହ ଜିଲ୍ଲା ପ୍ରସାଶନ ଦ୍ଵାରା କରୋନା କଟକଣା ମଧ୍ୟରେ ଗୋଷାଣୀ ବ୍ଳକର ଭିନଳା, ଯାଜପୁର ଓ ମୋହନା ବ୍ଳକର ମାଣିକପୁର,ନାଦିଗୁମା ମନ୍ଦିର ପ୍ରତିଷ୍ଠାରେ ୧୪୪ ଧାରା ଜାରୀ କରିଥିଲେ। ଯାହାଫଳରେ ପ୍ରତିଷ୍ଠା ଉତ୍ସବ ବନ୍ଦ ରହିଥିଲା। ବର୍ତ୍ତମାନ ଦ୍ୱିତୀୟ ଲହରୀ ମହାମାରୀରେ ସମଗ୍ର ଦେଶରେ ଅନେକ ମୂଲ୍ୟବାନ ଜୀବନ ଲୋକେ ହରାଇଛନ୍ତି।

ଏହାକୁ ଆଖି ଆଗରେ ରଖି ସରକାର ବିବାହ, ବ୍ରତ, ମଲାକାର୍ଯ୍ୟ ଭଳି ଅନେକ ଶୁଭ ଓ ଅଶୁଭ କାର୍ଯ୍ୟରେ ପ୍ରଶାସନ କଟକଣା ଜାରୀ କରିଛନ୍ତି। ଏହି ମହାମାରୀକୁ ରୋକିବା ପାଇଁ ରାତି ଦିନ ଏକ କରି ପ୍ରଶାସନ ଲୋକଙ୍କୁ ସୁରକ୍ଷା  ଦେଉଥିବାବେଳେ ସେମାନଙ୍କ ଉପରେ ବାରମ୍ଵାର ଆକ୍ରମଣ ଘଟଣାକୁ ଜିଲ୍ଲା ପ୍ରଶାସନ ଦୃଢ କାର୍ଯ୍ୟାନୁଷ୍ଠାନ କାହିଁକି ଗ୍ରହଣ କରୁନାହିଁ ନା ଏହାରି ପଛରେ ରାଜନୈତିକ ପ୍ରତିନିଧିଙ୍କ ଲମ୍ବା ହାତ ରହିଛି କି  ? ଯାହା ଫଳରେ ପ୍ରଶାସନ ବାହ୍ୟ ଶକ୍ତିର ଚାପ ଯୋଗୁ କାର୍ଯ୍ୟାନୁଷ୍ଠାନ ନେବାରେ ବିଳମ୍ଵ ଘଟୁଛି ଏଣୁ ତୁରନ୍ତ ଦୋଷୀ ପ୍ରତି ଦୃଢ କାର୍ଯାନୁଷ୍ଠାନ ଗ୍ରହଣ କରିବାପାଇଁ ନାଗରିକ ସୁରକ୍ଷା ମଞ୍ଚ ଦାବି କରିଛି। ଅଳ୍ପ ଦିନ ମଧ୍ୟରେ ଯଦି ଦୋଷୀ ମାନଙ୍କୁ ଗିରଫ କରାନଯାଏ ତେବେ ମଞ୍ଚ ତଥା ଜିଲ୍ଲାର ଜନସାଧାରଣ ପ୍ରଶାସନ ବିରୋଧରେ ସ୍ଵର ଉତ୍ତୋଳନ କରିବାକୁ ବାଧ୍ଯ ହେବେ ବୋଲି ମଞ୍ଚର କର୍ମକର୍ତା ସୁଦିପ କୁମାର ହରିଚନ୍ଦନ, ବୀରଭାସ୍କର ପାଇକ, ନରେନ୍ଦ୍ର କ୍ରମାର ଜାନୀ, ଗଣେଶ ଦଳାଇ, ଦାଶରଥି ମଣ୍ଡଳ , ସରୋଜ ମଳିକ, ପ୍ରଶାନ୍ତ କୁମାର ସୁବୃଦ୍ଧି, ବାପୁନି ସୁଆର ପ୍ରମୁଖ କହିଛନ୍ତି।