ହସ୍ପିଟାଲର ପଛରୁ ମଣିଷ କଙ୍କାଳ ଠାବ ; ମନ୍ତ୍ରୀ କହିଲେ ଦାବିବାର ନଥିବା ମୃତଦେହର କଙ୍କାଳ

ପାଟଣା : ବିହାରର ମୁଜାଫରପୁରସ୍ଥିତ ଶ୍ରୀକୃଷ୍ଣ ମେଡିକାଲ୍‌ କଲେଜ ଓ ହସ୍ପିଟାଲର ପଛ ପଟରୁ ୧୦୦ରୁ ମଣିଷ କଙ୍କାଳ ମିଳିଛି । ଏହି କଙ୍କାଳ ଗୁଡିକ ଏଭଳି ପରିସ୍ଥିତିରେ ଉଦ୍ଧାର ହୋଇଛି ଯେଉଁସମୟରେ ଏସକେଏମସିଏଚ ହସ୍ପିଟାଲରେ ମସ୍ତିଷ୍କ ରୋଗରେ ଦେଢ ଶହରୁ ଅଧିକ ଶିଶୁଙ୍କ ମୃତ୍ୟୁ ହୋଇସାରିଛି । ଏହାକୁ ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି ହୋଇଥିବା ବେଳେ ବିହାରର ମନ୍ତ୍ରୀ ଅଶୋକ ଚୌଧୁରୀ ପ୍ରତିକ୍ରିୟା ଦେଇ କହିଛନ୍ତି ଯେ ଗଣମାଧ୍ୟମ ଏହାକୁ ଭିନ୍ନ ରୂପରେ ଉପସ୍ଥାପନ କରୁଛି ।

Bihar Minister Ashok Chaudhary on skeletons found near SKMCH in Muzzaffarpur: Sometimes bodies have no claimants so Govt gives Rs2,000(to post mortem dept) to burn the bodies,which they don’t do many times. Probe will reveal the truth behind this,media projecting it differently pic.twitter.com/gWm2pc1fNc

— ANI (@ANI) June 23, 2019

ସେ କହିଛନ୍ତି ଯେ, ଏହି କଙ୍କାଳଗୁଡିକ ଅଜଣା ମୃତଦେହ ବା କୌଣସି ଦାବିବାର ନଥିବା ମୃତଦେହର ହୋଇଥାଇପାରେ । ଅନେକ ଥର ଏଭଳି ଦେଖିବାକୁ ମିଳେ ଯେ କିଛି ମୃତଦେହର କେହି ଦାବିଦାର ନଥାନ୍ତି । ପ୍ରକ୍ରିୟା ଅନୁସାରେ ଯଦି ୭୨ ଘଣ୍ଟା ମଧ୍ୟରେ ମୃତଦେହର କେହି ଦାବିଦାର ନଆସନ୍ତି, ତେବେ ଶବବ୍ୟବଚ୍ଛେଦ ବିଭାଗର କର୍ତ୍ତବ୍ୟ ଯେ ମୃତକଙ୍କ ଧର୍ମ ଅନୁଯାୟୀ ଶେଷକୃତ୍ୟ ସମ୍ପନ୍ନ କରିବେ । ତେଣୁ ମୃତଦେହର ଶେଷକୃତ୍ୟ ପାଇଁ ହସ୍ପିଟାଲର ବ୍ୟବଚ୍ଛେଦ ବିଭାଗକୁ ୨ ହଜାର ଟଙ୍କା ଲେଖାଏଁ ଦିଆଯାଏ । କିନ୍ତୁ ବ୍ୟବଚ୍ଛେଦ ବିଭାଗର କିଛି କର୍ମଚାରୀ ଏହାକୁ ଅମାନ୍ୟ କରି ମୃତଦେହକୁ ଫିଙ୍ଗି ଦିଅନ୍ତି । ଏଗୁଡିକ ସେହି ମୃତଦେହର କଙ୍କାଳ ହୋଇଥାଇପାରେ । ଏ ସଂକ୍ରାନ୍ତରେ ଅଧିକ ତଦନ୍ତ ଚାଲିଛି ବୋଲି ମନ୍ତ୍ରୀ ଅଶୋକ ଚୌଧୁରୀ କହିଛନ୍ତି । ସୂଚନାଯୋଗ୍ୟ, ଏସକେଏମସିଏଚ ହସ୍ପିଟାଲର ପଛ ପଟରେ ମଣିଷ କଙ୍କାଳ ପଡିଥିବା କେତେକ ଜାତୀୟ ଗଣମାଧ୍ୟମରେ ପ୍ରସାରଣ ହୋଇଥିଲା ।