ବିଜେପିକୁ ମେହବୁବାଙ୍କ ରଣହୁଙ୍କାର, କେନ୍ଦ୍ରୀୟ ସଂସ୍ଥା ନୁହେଁ ରାଜନୀତିରେ ଲଢ଼ିବା ଶିଖ

କେନ୍ଦ୍ରୀୟ ସଂସ୍ଥା ଦ୍ୱାରା ତାଙ୍କର ଅନେକ ସାଥୀ ଏବଂ ପରିବାର ସଦସ୍ୟଙ୍କୁ ଅଯଥା ହଇରାଣ କରାଯାଉଥିବା ଅଭିଯୋଗ କରି ପିପୁଲ୍ସ ଡେମୋକ୍ରାଟିକ୍ ପାର୍ଟି (ପିଡିପି) ନେତା ତଥା ଜାମ୍ମୁ କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ମେହବୁବା ମୁଫତି କହିଛନ୍ତି ଯେ ଯଦି ଭାରତୀୟ ଜନତା ପାର୍ଟି ତାଙ୍କ ସହ ରାଜନୈତିକ ଦୃଷ୍ଟିରୁ ଲଢ଼ିବାକୁ ଚାହୁଁଛନ୍ତି ତେବେ ସେମାନେ ତାହା କରିବା ଉଚିତ୍ କିନ୍ତୁ କେନ୍ଦ୍ରୀୟ ସଂସ୍ଥା ମାଧ୍ୟମରେ ହଇରାଣ କରିବା ଗ୍ରହଣୀୟ ନୁହେଁ।

ସେ କହିଛନ୍ତି,”ବିଜେପି ରାଜନୈତିକ ସ୍ତରରେ ମୋ ସହ ଲଢୁ ନାହିଁ। ମୁଁ ବିଜେପିକୁ କହିବାକୁ ଚାହୁଁଛି ଯେ ତୁମର ଯଦି ଏତେ ଶକ୍ତି ଅଛି, ସଂସଦରେ ଏତେ ସଂଖ୍ୟକ ସଦସ୍ୟ ଅଛନ୍ତି ତେବେ ତୁମେ ସରକାର ଗଠନ କର। ଯଦି ତୁମେ ମୋ ସହ ଲଢ଼ିବାକୁ ଚାହୁଁଛ, ରାଜନୈତିକ ଦୃଷ୍ଟିରୁ ତାହା କର, ଜାତୀୟ ଅନୁସନ୍ଧାନ ଏଜେନ୍ସି, ଏନଫୋର୍ସମେଣ୍ଟ ଡାଇରେକ୍ଟୋରେଟ କିମ୍ବା ସିବିଆଇ ଦ୍ୱାରା ନୁହେଁ। ଗଣମାଧ୍ୟମକୁ ସମ୍ବୋଧିତ କରି ମୁଫତି କହିଛନ୍ତି ଯେ ତୃଣମୂଳ ସ୍ଥରକୁ ଆସ ଏବଂ ଯୁଦ୍ଧ କର।

BJP & its proxies are sore losers & have resorted to abducting independents who won DDC elections. They are shamelessly using all means to increase their tally. This isn’t dance but death of democracy in J&K. pic.twitter.com/XMvf3LqmUe

— Mehbooba Mufti (@MehboobaMufti) December 23, 2020

ସେ ଆହୁରି ମଧ୍ୟ ଅଭିଯୋଗ କରିଛନ୍ତି ଯେ କେନ୍ଦ୍ରୀୟ ଏଜେନ୍ସି ତାଙ୍କ ପିତାଙ୍କ ସମାଧି ଉପରେ ଅନୁସନ୍ଧାନ କରୁଛନ୍ତି। ଏଭଳି ଅନୁସନ୍ଧାନରୁ କଣ ହାସଲ ହେବ ବୋଲି ସେ ପ୍ରଶ୍ନ କରିଛନ୍ତି। ମୋର କ’ଣ ଅଛି? ଯଦି ମୋର କିଛି ଥାଆନ୍ତା ତେବେ ତୁମେ ମୋ ବାପାଙ୍କ କବର ନିକଟକୁ ଯାଇନଥାଆନ୍ତ ବୋଲି ସେ କହିଛନ୍ତି। ମୁଫତି ଆହୁରି ମଧ୍ୟ କହିଛନ୍ତି ଯେ ସରକାର ତାଙ୍କ ବିରୋଧରେ ଅଭିଯୋଗ ଖୋଜି ପାଇ ନାହାଁନ୍ତି, ଯେଉଁଥିପାଇଁ ସେମାନେ ତାଙ୍କୁ ଏବଂ ଅନ୍ୟ ନେତାମାନଙ୍କୁ ବିଭିନ୍ନ ମିଥ୍ୟା ଅଭିଯୋଗରେ ଜଡିତ କରୁଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଦୁର୍ନୀତି ସହ ସେ ଜଡିତ ନାହାନ୍ତି ତେଣୁ ତାଙ୍କୁ ୱାହିଦ-ଉର-ରେହମାନ ମାଧ୍ୟମରେ ଆତଙ୍କବାଦୀମାନଙ୍କୁ ପାଣ୍ଠି ଯୋଗାଇବା ମାମଲା ସହ ଯୋଡ଼ିବାକୁ ଚେଷ୍ଟା କରାଯାଉଛି।