ତ୍ରିରଙ୍ଗା ଧରିବାକୁ ମନାକଲେ ମେହବୁବା

ଶ୍ରୀନଗର : ଦୀର୍ଘ ୧୪ମାସ ପରେ ଗୃହବନ୍ଦୀରୁ ମୁକ୍ତ ହୋଇଥିବା ଜାମ୍ମୁ-କାଶ୍ମୀରର ପୂର୍ବତନ ମୁଖ୍ୟମନ୍ତ୍ରୀ ତଥା ପିପୁଲ୍ସ ଡେମୋକ୍ରାଟିକ ପାର୍ଟି (ପିଡିପି) ମୁଖ୍ୟ ମେହବୁବା ମୁଫତି ଶ୍ରୁକ୍ରବାର ସାମ୍ବାଦିକ ସମ୍ମିଳନୀ ଡକାଇ ବିଜେପିକୁ ସମାଲୋଚନା କରିଛନ୍ତି। ମେହବୁବା କହିଛନ୍ତି ଯେ ସମ୍ବିଧାନର ନିୟମ ଆଧାରରେ ଦେଶର ଶାସନ ଚାଲିବ। ବିଜେପିର ନିର୍ବାଚନ ଇସ୍ତାହାର ଆଧାରରେ ଦେଶ ଚାଲିବ ନାହିଁ। ମେହବୁବା କହିଛନ୍ତି ଯେ ଜାମ୍ମୁ-କାଶ୍ମୀରକୁ ସ୍ବତନ୍ତ୍ର ମାନ୍ୟତା ପ୍ରଦାନ କରୁଥିବା ଧାରା ୩୭୦କୁ ପୁନର୍ବାର କାର୍ଯ୍ୟକାରୀ କରିବା ଦିଗରେ ସେ କାର୍ଯ୍ୟ କରିବେ। ଏହା ସହିତ ଜାମ୍ମୁ-କାଶ୍ମୀରର ସ୍ବତନ୍ତ୍ର ପତାକାକୁ ଫେରାଇ ଆଣିବା ପରେ ସେ ତ୍ରିରଙ୍ଗା ପତାକା ଧରିବେ ବୋଲି କହିଛନ୍ତି। ଆମର ସ୍ବତନ୍ତ୍ର ପତାକା (ଜାମ୍ମୁ-କାଶ୍ମୀର ପତାକା) ଫେରାଇ ନ ଆଣିବା ପର୍ଯ୍ୟନ୍ତ ଆମେ ଅନ୍ୟ କୌଣସି ପତାକା ଧରିବୁ ନାହିଁ ବୋଲି ମେହବୁବା କହିଛନ୍ତି। ଜାମ୍ମୁ-କାଶ୍ମୀର ପତାକା ଆମ ହାତକୁ ଆସିବା ପରେ ଆମେ ଅନ୍ୟ ପତାକା ଧରିବୁ। ନାଗରିକ ସୁରକ୍ଷା ଆଇନ (ପିଏସଏ) ଅଧିନରେ ଦୀର୍ଘ ୧୪ ମାସ ଅଟକ ରହିବା ପରେ ମେହବୁବା ଅକ୍ଟୋବର ୧୩ରେ ମୁକ୍ତ ହୋଇଥିଲେ।

Comments
Loading...