ମ୍ୟାରି କମଙ୍କୁ ପଦ୍ମ ବିଭୂଷଣ : ୮ଜଣଙ୍କୁ ପଦ୍ମ ପୁରସ୍କାର

ନୂଆଦିଲ୍ଲୀ : ସାଧରଣତନ୍ତ୍ର ଦିବସ ଅବ୍ୟବହିତ ପୂର୍ବରୁ ଚଳିତ ବର୍ଷର ପଦ୍ମ ପୁରସ୍କାର ଘୋଷଣା କରାଯାଇଛି । ଚଳିତ ବର୍ଷ ୧୪୧ଜଣଙ୍କୁ ପଦ୍ମ ପୁରସ୍କାର ପ୍ରଦାନ କରାଯିବାକୁ ଥିବା ବେଳେ କ୍ରୀଡା କ୍ଷେତ୍ରରେ ବଳିଷ୍ଠ ଅବଦାନ ପାଇଁ ୮ଜଣଙ୍କୁ ପଦ୍ମ ପୁରସ୍କାରରେ ସମ୍ମାନିତ କରାଯିବ। ମୁଷ୍ଟିଯୁଦ୍ଧ (ବକ୍ସିଂ)ରେ ମ୍ୟାରି କମ(ମଣିପୁର)ଙ୍କୁ ପଦ୍ମ ବିଭୂଷଣରେ ସମ୍ମାନିତ କରାଯିବାକୁ ଥିବା ବେଳେ ବ୍ୟାଡମିଣ୍ଟନ ଖେଳାଳି ତଥା ବିଶ୍ୱ ବିଜୟିନୀ ପି.ଭି ସିନ୍ଧୁ(ତେଲଙ୍ଗାନା)ଙ୍କୁ ପଦ୍ମ ଭୂଷଣ ପୁରସ୍କାର ପାଇଁ ମନୋନୀତ କରାଯାଇଛି।

ସେହିଭଳି କ୍ରିକେଟର ଜାହିର ଖାନ(ମହାରାଷ୍ଟ୍ର), ମହିଳା ଫୁଟବଲ ଖେଳାଳି ଓଏନମ ବେମବେମ ଦେବୀ (ମଣିପୁର), ଏମପି ଗଣେଷ(କର୍ଣ୍ଣାଟକ), ସୁଟର ଶ୍ରୀ ଜିତୁ ରାୟ(ଉତ୍ତର ପ୍ରଦେଶ), ତରୁଣଦୀପ ରାୟ(ସିକ୍କିମ) ଏବଂ ହକି ଖେଳାଳି ରାଣୀ ରାମପାଲ(ହରିୟାଣା)ଙ୍କୁ ପଦ୍ମ ଶ୍ରୀ ପୁରସ୍କାରରେ ସମ୍ମାନିତ କରାଯିବ।