କଲକାତା: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ପ୍ରାର୍ଥିପତ୍ର ଦାଖଲ ପାଇଁ ନନ୍ଦିଗ୍ରାମ ଗସ୍ତ କରିଛନ୍ତି। ଏହି ଅବସରରେ ଆସନ୍ତା ୧୧ ତାରିଖ, ମହାଶିବରାତ୍ରି ଅବସରରେ ସେ ଦଳର ନିର୍ବାଚନ ଇସ୍ତାହାର ଘୋଷଣା କରିବେ ବୋଲି କହିଛନ୍ତି। ସେ ଦିନ ସକାଳେ ସେ ନନ୍ଦିଗ୍ରାମଠାରେ ଶିବ ଆରାଧନା କରିବା ପରେ କଲକାତା ଫେରି ଇସ୍ତାହାର ଘୋଷଣା କରିବେ। ଏହା ପୂର୍ବରୁ ୧୦ରେ ସେ ପ୍ରାର୍ଥିପତ୍ର ଦାଖଲ କରିବା ସମ୍ଭାବନା ରହିଛି। ନନ୍ଦିଗ୍ରାମଠାରେ ପହଞ୍ଚିବା ପରେ ସେ ଜନସାଧାରଣଙ୍କୁ କହିଛନ୍ତି ଯେ ‘ମୋତେ ଯଦି ଆପଣମାନେ ନିଜର ଝିଅ ବୋଲି ଭାବି ପ୍ରାର୍ଥିପତ୍ର ଦାଖଲ ପାଇଁ ସୁଯୋଗ ଦେବେ ତାହାହେଲେ ମୁଁ ଏହା କରିବି; ନଚେତ୍ ଫେରିଯିବି।’
ସୂଚନାଯୋଗ୍ୟ ଯେ ବିଜେପି ଏଠାରେ ଶ୍ରୀରାମଙ୍କ ପ୍ରଚାର କରୁଥିବାବେେଳ ମମତା ନିଜକୁ ଶିବ ଓ ଦୁର୍ଗାଙ୍କ ଭକ୍ତ ଭାବେ ଉପସ୍ଥାପିତ କରିଛନ୍ତି। ସେ ସଭାରେ ଅନର୍ଗଳ ଦୁର୍ଗାଷ୍ଟକଂ ମନ୍ତ୍ର ପାଠ କରିବା ସହ ଶିବ ଆରାଧନା ମନ୍ତ୍ର ପାଠ କରି ପ୍ରଗାଢ଼ ହିନ୍ଦୁତ୍ବର ପରିଚୟ ଦେଇଛନ୍ତି। ଅପରପକ୍ଷରେ ରାଜ୍ୟର ୪୯ପ୍ରତିଶତ ମହିଳା ମତଦାତା ଓ ୩୦ପ୍ରତିଶତ ସଂଖ୍ୟାଲଘୁଙ୍କୁ ଆକୃଷ୍ଟ କରିବା ଲକ୍ଷ୍ୟରେ ସେ ପ୍ରଥମ ପର୍ଯ୍ୟାୟ ୨୯୧ ଜଣିଆ ପାର୍ଥିତାଲିକାରେ ୫୦ ମହିଳା ଧଓ ୪୨ ସଂଖ୍ୟାଲଘୁଙ୍କୁ ସ୍ଥାନ ଦେଇଛନ୍ତି। ସେହିଭଳି ଅନୁସୂଚିତ ଜାତି ଓ ଜନଜାତି ମତଦାତାଙ୍କୁ ସନ୍ତୁଷ୍ଟ କରିବା ପାଇଁ ଉଭୟ ବର୍ଗର ଯଥାକ୍ରମେ ୭୯ ଓ ୧୭ଜଣଙ୍କୁ ପ୍ରାର୍ଥୀ କରିଛନ୍ତି।
Comments are closed.