ସୁରଟରେ ଭୟଙ୍କର ଅଗ୍ନିକାଣ୍ଡ: ୫୭ ଦମକଳ ଗାଡ଼ି ମୁତୟନ, ୫ ଘଣ୍ଟା ପରେ କାବୁ ହେଲା ନିଆଁ

ସୁରଟ: ଗୁଜରାଟର ସୁରଟରେ ଥିବା ରଘୁବୀର କପଡ଼ା ମାର୍କେଟରେ ମଙ୍ଗଳବାର ସକାଳେ ଭୟଙ୍କର ଅଗ୍ନିକାଣ୍ଡ ଘଟିଛି। ମାର୍କେଟର ଏକ ବଡ଼ କୋଠାରେ ନିଆଁ ଲାଗିଯାଇଥିବାବେଳେ ତାହାକୁ ଲିଭାଇବା ପାଇଁ ୫୭ଟି ଦମକଳ ଗାଡ଼ି ନିୟୋଜିତ ହୋଇଥିଲେ। ପ୍ରାୟ ୫ ଘଣ୍ଟା ପରେ ନିଆଁକୁ ଆୟତ୍ତ କରାଯାଇଥିଲା। ୧୪ ମହଲା ବିଶିଷ୍ଟ ଏହି କୋଠାର ୧୦ମ ମହଲାରେ ନିଆଁ ଲାଗିଥିଲା। ଅଗ୍ନିକାଣ୍ଡରେ କୋଟି କୋଟି ଟଙ୍କାର କ୍ଷୟକ୍ଷତି ହୋଇଥିବା ଜଣାପଡ଼ିଛି। ତେବେ ଏଥିରେ କେହି ମୃତାହତ ହୋଇଥିବା ସର୍ମ୍ପକରେ ସୂଚନା ମିଳିନାହିଁ।