ମହନ୍ତ ନୃତ୍ୟଗୋପାଳଙ୍କୁ କରୋନା; ମୋଦୀ-ଯୋଗୀଙ୍କ ସହ ରାମମନ୍ଦିର ଭୂମିପୂଜନ ମଞ୍ଚରେ ବସିଥିଲେ

ମଥୁରା: ଶ୍ରୀକୃଷ୍ଣ ଜନ୍ମାଷ୍ଟମୀ ଅବସରରେ ଅଯୋଧ୍ୟାରୁ ଆସି ମଥୁରାରେ ପହଞ୍ଚିଥିବା ଶ୍ରୀରାମ ଜନ୍ମଭୂମି ତୀର୍ଥକ୍ଷେତ୍ର ଟ୍ରଷ୍ଟର ଅଧ୍ୟକ୍ଷ ମହନ୍ତ ନୃତ୍ୟଗୋପାଳ ଦାସଙ୍କ ସ୍ବାସ୍ଥ୍ୟ ଗୁରୁତର ହୋଇଛି । ତାଙ୍କୁ ମେଦାନ୍ତ ହସ୍ପିଟାଲରେ ଭର୍ତି କରାଯାଇଛି । ଯାଞ୍ଚ ବେଳେ ତାଙ୍କର କରୋନା ରିପୋର୍ଟ ପଜିଟିଭ୍ ଆସିଛି ।  ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମହନ୍ତ ନୃତ୍ୟଗୋପାଳଙ୍କ ସ୍ବାସ୍ଥ୍ୟବସ୍ଥା ସମ୍ପର୍କରେ ଡ଼ାକ୍ତରଖାନା କର୍ତ୍ତୃପକ୍ଷଙ୍କ ସହ ଆଲୋଚନା କରିଛନ୍ତି । ସୂଚନାଯୋଗ୍ୟ ଯେ ମହନ୍ତ ନୃତ୍ୟଗୋପାଳ ଗତ ୫ ତାରିଖରେ ଅଯୋଧ୍ୟାର ରାମମନ୍ଦିର ଭୂମିପୂଜନରେ ଯୋଗ ଦେଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ରାଜ୍ୟପାଳ ଆନନ୍ଦୀବେନ୍ ପଟେଲଙ୍କ ସହ ମଞ୍ଚରେ ଆସୀନ ହୋଇଥିଲେ ।

ପ୍ରତିବର୍ଷ ଜନ୍ମାଷ୍ଟମୀ ଅବସରରେ ମହନ୍ତ ନୃତ୍ୟଗୋପାଳ ଦାସ ମଥୁରା ଆସିଥାଆନ୍ତି । ଚଳିତ ବର୍ଷ ସେ ମଙ୍ଗଳବାର ସନ୍ଧ୍ୟାରେ ମଥୁରାରେ ପହଞ୍ଚିବା ପରେ ତାଙ୍କ ସ୍ବାସ୍ଥ୍ୟବସ୍ଥା ଅଚାନକ ଖରାପ ହୋଇ ଯାଇଥିଲା ।ଜ୍ଵର ସହ ଶ୍ଵାସ ନେବାରେ କଷ୍ଟ ହୋଇଥିଲା । ଖବର ପାଇ ମଥୁରା ଓ ଆଗ୍ରାର ମୁଖ୍ୟ ଚିକିତ୍ସାଧିକାରୀଙ୍କ ସହ ଅନ୍ୟ କିଛି ଡ଼ାକ୍ତର ସୀତାରାମ ଆଶ୍ରମରେ ପହଞ୍ଚିଥିଲେ । ସେଠାରେ ତାଙ୍କର କୋଭିଡ଼ ପରୀକ୍ଷା କରାଯାଇଥିଲା ଓ ରିପୋର୍ଟ ପଜିଟିଭ୍ ଆସିଥିଲା ।

Comments
Loading...