ମାହାଙ୍ଗା: କଟକ ଜିଲ୍ଲା ମାହାଙ୍ଗା ବ୍ଲକ ଅନ୍ତର୍ଗତ ରାହାଣିଆ ଗ୍ରାମର ଅବସରପ୍ରାପ୍ତ ଶିକ୍ଷକ ବିକଳ ଚରଣ ସାହୁଙ୍କ ବିୟୋଗରେ ଶୋକର ଛାୟା ଖେଳିଯାଇଛି। ୧୯୩୪ ମସିହାରେ ଜନ୍ମିତ ସ୍ବର୍ଗତ ସାହୁ ତାଙ୍କର ୩୬ ବର୍ଷ ଶିକ୍ଷକତା କାଳରେ ଅନେକ ମେଧାବୀ ଛାତ୍ରଛାତ୍ରୀ ସୃଷ୍ଟି କରିଥିଲେ। ମାହାଙ୍ଗା ପାଇକରାପୁର ବିଦ୍ୟାଳୟରୁ ଶିକ୍ଷକତା ଆରମ୍ଭ କରି ସେ ଇତୁକୁରା ପ୍ରାଥମିକ ବିଦ୍ୟାଳୟ ଓ ସୁକ୍ଲେସ୍ୱର ବିଦ୍ୟାଳୟରେ ଓ ଶେଷରେ ପାଇକରାପୁର ବିଦ୍ୟାଳୟରୁ ୧୯୯୫ରେ ଅବସର ଗ୍ରହଣ କରିଥିଲେ।
ଦୀର୍ଘ ଦିନ ଧରି ବାର୍ଦ୍ଧକ୍ୟ ଜନିତ ରୋଗରେ ପୀଡିତ ରହିବା ପରେ ଚଳିତ ମାସ ୯ ତାରିଖରେ ୮୮ ବର୍ଷ ବୟସରେ ତାଙ୍କର ଦେହାନ୍ତ ଘଟିଛି। ମୃତ୍ୟୁ ଶଯ୍ୟା ନିକଟରେ ତାଙ୍କର ଏକମାତ୍ର ପୁତ୍ର ବିଜୟ କୁମାର ସାହୁ, ପୁତ୍ର, ପୁତ୍ରବଧୁ ଓ ନାତି ଉପସ୍ଥିତ ଥିଲେ।
Comments are closed.