ତ୍ରିଦିନାତ୍ମକ ମା’ ଦୁର୍ଗାଙ୍କ ପୂଜାର୍ଚ୍ଚନା ଶୁଭାରମ୍ଭ 

ବରପାଲି : ବରପାଲି ବରଦା ମା’ ଦୁର୍ଗାଙ୍କ ତ୍ରିଦିନାତ୍ମକ ଶାରଦୀୟ ପୁଜା କାର୍ଯ୍ୟକ୍ରମ ଗୁରୁବାର ନିତି ପରମ୍ପରା ମଧ୍ୟରେ କୋଭିଡ଼ ନିତି ନିୟମକୁ ସମ୍ମାନ ଜଣାଇ ଅଚଂଳର ବିଭିନ୍ନ ମଣ୍ଡପରେ ଶୁଭାରମ୍ଭ ହୋଇଯାଇଛି। ସ୍ଥାନୀୟ ଅଶୋକ କ୍ଲବ ପକ୍ଷରୁ ଅପରାହ୍ନରେ ପୂଜାକର୍ତ୍ତା ପ୍ରଫୁଲ୍ଲ ସାହୁଙ୍କ ସମେତ ସହଯୋଗୀ ଭକ୍ତମାନେ ଧ୍ୱଜାରୋପଣ ଓ ମା’ଙ୍କ ପାଟଖଣ୍ଡା ଧୁଆ ଓ କଳସ ଶୋଭାଯାତ୍ରାରେ ମଣ୍ଡପ ପରିସରରୁ ବାହାରି ମୂଖ୍ୟକେନାଲ ଶିବ ମନ୍ଦିର ଘାଟରେ ପହଞ୍ଚିଥିଲେ। ପୁର୍ଣ୍ଣକୁମ୍ଭ ଓ ପାଟଖଣ୍ଡା, ଧ୍ୱଜା ବିଧିମତେ ପଣ୍ଡିତ ଆନନ୍ଦ ଦାଶ ଓ ଅଶ୍ୱନୀ ରଥଙ୍କ ଦ୍ୱାରା ବିଧି ଅନୁଶାରେ ପୂଜାର୍ଚ୍ଚନା ହୋଇ ଖଣ୍ଡା ଶୋଭାଯାତ୍ରା ନିରାଡ଼ମ୍ବର ଭାବରେ ପ୍ରତ୍ୟାବର୍ତ୍ତନ କଲା ପରେ ମଣ୍ଡପ ସ୍ଥିତ ମା’ଙ୍କ ମୃଣୟ ପ୍ରତିମୃର୍ତ୍ତି ସମ୍ମୁଖରେ ସ୍ଥାପନ କରାଯାଇଥିଲା।  ପରେ ପଣ୍ଡିତ ଓ ଆଚାର୍ଯ୍ୟ ମାନଙ୍କ ସହାୟତାରେ ପୁର୍ଣ୍ଣକୂମ୍ଭ ସିଦ୍ଧି କଲା ପରେ ମା’ଙ୍କ ସମ୍ମୁଖରେ ସ୍ଥାପନ କରାଯାଇଥିଲା। ପରେ ସପ୍ତମୀ ପୂଜାର୍ଚ୍ଚନା କାର୍ଯ୍ୟକ୍ରମ ଶୁଭାରମ୍ଭ ହେବା ସହିତ ଆସନ୍ତା କାଲି ମହାଷ୍ଟମୀ ପୂଜା ଚଣ୍ଡିପାଠ ହୋମଯଜ୍ଞ କାର୍ଯ୍ୟକ୍ରମର ଆରମ୍ଭ ହୋଇ ମାଁ ଭଉଣୀ ମାନଙ୍କ ଦ୍ୱାରା ଭାଇ ଜିଉନ୍ତିଆ ପର୍ବ ପାଳିତ ହେବ। ୨୪ତାରିଖ ମା’ ଙ୍କ ମହାନବମୀ ସନ୍ଧିପୂଜା କାର୍ଯ୍ୟକ୍ରମ ସହ ନବମୀପୂଜା ପାଳନ କରାଯିବ ବୋଲି ଜଣାପଡ଼ିଥିଲା। ୨୫ତାରିଖ  ବିଜୟାଦଶମୀ ଦଶହରା ଉତ୍ସବ ପାଳିତ ହେଉଥିବା ବେଳେ ସାଂସ୍କୃତିକ କର୍ଯ୍ୟକ୍ରମ ଓ ଅନ୍ୟାନ୍ୟ ପରମ୍ପର ଉପରେ ବାରଣ କରାଯାଇଛି।

Comments
Loading...