MEllora 950×100

ଗଞ୍ଜାମ ବୁଢ଼ୀ ଠାକୁରାଣୀ ମନ୍ଦିର ହୁଣ୍ଡିରୁ ଟଙ୍କା ଚୋରି

ଗଞ୍ଜାମ : ଗଞ୍ଜାମ ଅଞ୍ଚଳରେ ବାରମ୍ବାର ଚୋରି ହେଉଥିବା ଘଟଣା ସାମ୍ନାକୁ ଆସୁଛି। ଗୁରୁବାର ଭୋରରୁ ଗଞ୍ଜାମ ସହରସ୍ଥିତ ଥିବା ମା’ ବୁଢ଼ୀ ଠାକୁରାଣୀ ମନ୍ଦିରରୁ କେହି ଦୁର୍ବୃତ୍ତ କାନ୍ଥ ସିମେଣ୍ଟ ଜାଲି ଭାଙ୍ଗି ହୁଣ୍ଡିରେ ଥିବା ସମସ୍ତ ଟଙ୍କା ଲୁଟି ନେଇଥିବା ସୂଚନା ମିଳିଛି। ଖବର ପାଇ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି। ଏନେଇ ବରିଷ୍ଠ ନାଗରିକ ବିନୋଦ ଚନ୍ଦ୍ର ମହାପାତ୍ର ଗଞ୍ଜାମ ଥାନାରେ ଅଭିଯୋଗ କରିଛନ୍ତି।

ସୂଚନା ଯୋଗ୍ୟ ଯେ, ଉକ୍ତ ମନ୍ଦିରରେ ମା’ଙ୍କ ନବରାତ୍ର ପୂଜା ହେଉଥିବା ଯୋଗୁ ରାତି ପ୍ରାୟ ତିନିଟା ପର୍ଯ୍ୟନ୍ତ ହୋମ କାର୍ଯ୍ୟ ହେଉଥିଲା। ସରିବା ପରେ କେହି ଦୁର୍ବୃତ୍ତ ଏହି କାଣ୍ଡ ଭିଆଇଥିବା ନେଇ ସାଧାରଣରେ ଆଲୋଚନା ହେଉଛି। ଗତ କିଛି ମାସ ହେବ ଚୋରମାନେ ଗଞ୍ଜାମର ଜଣେ ଗ୍ୟାରେଜ ମାଲିକଙ୍କ ଘରୁ ଦିନରେ, ଦାମଦରପୁର ଗ୍ରାମରୁ ଓ ଅନ୍ୟ ସ୍ଥାନରେ ମଧ୍ୟ ଚୋରି ହୋଇଥିବା ସହରରେ ଚର୍ଚ୍ଚା ହେଉଛି। ସହରର ବିଭିନ୍ନ ସ୍ଥାନରୁ ବାରମ୍ବାର ଚୋରି ହେଉଥିଲେ ମଧ୍ୟ ପୁଲିସ ଏଯାବତ ଗୋଟିଏ ବି ଚୋରି ଘଟଣାର ଟେର ପାଇନି। ଫଳରେ ଚୋରଙ୍କ ଉପଦ୍ରଵ ସହରରେ ବଢ଼ିବାରେ ଲାଗିଛି। ପୁଲିସ ପାଟ୍ରୋଲିଂ କଡାକଡି କରିବା ପାଇଁ ଦାବୀ ହେଉଛି।

Comments are closed.