ଲକଡ଼ାଉନ ନ ହୋଇଥିଲେ ଏଯାବତ୍ ଦେଶରେ ୭୮୦୦୦ ଲୋକ ମରି ସାରନ୍ତେଣି; ୨୦ ଲକ୍ଷ ଲୋକ ସଂକ୍ରମିତ ହୋଇଥାଆନ୍ତେ
ନୂଆଦିଲ୍ଲୀ: ମାର୍ଚ ୨୩ ତାରିଖରୁ ଦେଶରୁ ଲକ୍ଡ଼ାଉନ ଆରମ୍ଭ ହୋଇଛି । ୪ର୍ଥ ପର୍ଯ୍ୟାୟ ଲକ୍ଡ଼ାଉନ ମେ ୩୧ ତାରିଖରେ ଶେଷ ହେବ । କିଛି ବର୍ଗ ଏହାକୁ ସମାଲୋଚନା କରୁଛନ୍ତି । ବିରୋଧୀମାନେ ଲକ୍ଡ଼ାଉନ ଅବଧି ବୃଦ୍ଧିକୁ ନେଇ ପ୍ରଶ୍ନ ଉଠାଇଛନ୍ତି। ହେଲେ ଯଦି ଦେଶରେ ଲକ୍ଡ଼ାଉନ ଘୋଷଣା ହୋଇ ନ ଥାନ୍ତା ତେବେ ଏଯାବତ୍ ଦେଶରେ ୨୦ ଲକ୍ଷରୁ ଅଧିକ ଲୋକ ସଂକ୍ରମିତ ହୋଇ ସାରନ୍ତେଣି ଓ ମୃତ୍ୟୁ ସଂଖ୍ୟା ୭୮ ହଜାର ପର୍ଯ୍ୟନ୍ତ ହୋଇଥାଆନ୍ତା । ଏହି ସୂଚନା ଦେଇଛି କେନ୍ଦ୍ର ସ୍ବାସ୍ଥ୍ୟ ମନ୍ତ୍ରଣାଳୟ ।
ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେଦେଶରେ ସଠିକ୍ ସମୟରେ ଲକ୍ଡାଉନ୍ ଲାଗୁ ହେବାରୁ ୨୦ ଲକ୍ଷରୁ ଅଧିକ ଲୋକ ସଂକ୍ରମିତ ହେବାରୁ ବଞ୍ଚି ଯାଇଛନ୍ତି । ଏହା ସହିତ ୬୮ ହଜାର ଲୋକଙ୍କୁ କରୋନା ମୃତ୍ୟୁରୁ ମଧ୍ୟ ରକ୍ଷା କରାଯାଇ ପାରିଛି। ନ ହେଲେ କରୋନା ମହାମାରୀରେ ୩୭ ହଜାରରୁ ୭୮୦୦୦ ଜଣଙ୍କ ମୃତ୍ୟୁ ଘଟିଥାନ୍ତା । ସଂକ୍ରମିତଙ୍କ ସଂଖ୍ୟା ୧୪ ରୁ ୨୯ ଲକ୍ଷ ହୋଇଥାନ୍ତା ।ପବ୍ଲିକ ହେଲ୍ଥ ଫାଉଣ୍ଡେସନ ଅଫ ଇଣ୍ଡିଆ ତଥ୍ୟ ଆଧାରରେ ସରକାରଙ୍କ ପକ୍ଷରୁ ଏହି ସୂଚନା ଦିଆଯାଇଛି ।
To cut the story short…
No. of #COVID19 cases averted due to lockdown is in range of 14 – 29 lakh
No. of lives saved – 37,000 – 78,000
We are fully confident that lockdown, with full public cooperation, has reaped rich dividends
– Secretary, @GoIStats #IndiaFightsCorona pic.twitter.com/DcQZ2ZdYQv
— PIB India #StayHome #StaySafe (@PIB_India) May 22, 2020
ସ୍ଵାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ଏକ ସାମ୍ବାଦିକ ସମ୍ମିଳନୀରେ କୁହାଯାଇଛି ଯେ ପୂରା ବିଶ୍ବ ସଂପ୍ରତି କରୋନା ସଙ୍କଟ ଦେଇ ଗତି କରୁଛନ୍ତି । ବିଶ୍ବରେ ଏ ପର୍ଯ୍ୟନ୍ତ ୫୨୧୯୯୬୨ ଜଣ ସଂକ୍ରମିତ ହୋଇଥିବା ବେଳେ ୩୩୫୧୦୮ ଜଣ ମୃତ୍ୟୁବରଣ କରିଛନ୍ତି । ବିଶ୍ବର ସବୁଠୁ ଅଧିକ ଜନସଂଖ୍ୟାବହୁଳ ଦେଶ ଭାରତ ଏହି ମହାମାରୀର କଡା ମୁକାବିଲା କରିଛି। ଭାରତରେ ଏବେ ମଧ୍ୟ ସ୍ଥିତି ନିୟନ୍ତ୍ରଣରେ ରହିଛି। ଏହାର ସବୁଠୁ ବଡ ମହତ୍ଵପୂର୍ଣ୍ଣ କାରଣ ହେଉଛି ସମୟ ପୂର୍ବରୁ ଲକ୍ଡାଉନ୍ ନିଷ୍ପତ୍ତି ନେବା ।
ଲକ୍ଡ଼ାଉନ ବିଭିନ୍ନ ଦେଶରେ କରୋନା ସଂକ୍ରମଣ ରୋକିବାରେ ସଫଳ ସାବ୍ୟସ୍ତ ହୋଇଛି । ଚୀନ, ଦକ୍ଷିଣ କୋରିଆ, ନ୍ୟୁଜିଲାଣ୍ଡ ପରି ଦେଶ ଏଥିରେ ସଫଳ ହୋଇଛନ୍ତି । ଭାରତରେ ମାର୍ଚ ୨୩ ତାରିଖରୁ ସାରା ଦେଶକୁ ଲକ୍ଡ଼ାଉନ କରାଯାଇଥିଲା । ଯାହା ଫଳରେ ସଂକ୍ରମଣର ଶିକୁଳିକୁ ଭଙ୍ଗାଯାଇ ପାରିଛି ବୋଲି ଅନେକ ମନେ କରୁଛନ୍ତି । ଏହା ସତ୍ବେ ସରକାରଙ୍କୁ ବିଭିନ୍ନ ସମାଲୋଚନାର ସମ୍ମୁଖୀନ ହେବାକୁ ପଡ଼ିଛି । ଲକ୍ଡ଼ାଉନ କରୋନା ସଂକ୍ରମଣ ରୋକିବାକୁ ସଫଳ ହୋଇନାହିଁ ଓ ଦେଶର ଅର୍ଥବ୍ୟବସ୍ଥା ଉପରେ ପ୍ରଭାବ ପକାଇଛି ବୋଲି ବିରୋଧୀ ଅଭିଯୋଗ କରିଛନ୍ତି ।
Comments are closed.