ପାରୋଲରେ ଆସି ଘରେ ଆତ୍ମହତ୍ୟା କଲେ କଏଦୀ

କୁଆଁପାଳ : କଟକ ଜିଲ୍ଲା ମାହାଙ୍ଗା ଥାନା ଭେଡା ପଂଚାୟତ ବାରାହୀପୁର ଗ୍ରାମର ଜଣେ ଯୁବକ ଏକ ହତ୍ୟା କାଣ୍ଡ ଘଟଣାରେ ଆଜୀବନ ସଜ୍ଜା ପାଉଥିବା କଏଦୀ କରୋନା ମହାମାରୀ ସମୟରେ ପାରୋଲରେ ଆସିଥିବା ବେଳେ ଆଜି ନିଜ ଘରେ ଲୁଗାରେ ରସି ଲଗାଇ ଆତ୍ମହତ୍ୟା କରିଛନ୍ତି। ମୃତ କଏଦୀ ଜଣକ ହେଲେ ବରାହିପୁର ଗାଁର ୫୮ ବର୍ଷୀୟ ରାଜକିଶୋର ନାୟକ ,ସେ ପୁରୀ କାକଟପୁର ଅଞ୍ଚଳର ବାସିନ୍ଦା ହୋଇଥିବା ବେଳେ ଶ୍ଵଶୁର ଘର ବାରାହୀପୁର ରେ ଦୀର୍ଘ ବର୍ଷ ହେବ ପରିବାର ସହ ରହିଆସୁଥିଲେ। ୨୦୦୮ ମସିହାରେ ତ୍ରିବେଣୀଶ୍ବର ବଜାରରେ ଘଟିଯାଇଥିବା ଏକ ବୋମାମାଡ଼ ଓ ହତ୍ୟାକାଣ୍ଡ ଘଟଣାରେ ଦୋଷୀ ସାବ୍ୟସ୍ତ ହୋଇ ଚୌଦାର ସର୍କଲ ଜେଲରେ ଆଜୀବନକଏଦୀ ଭାବେ ସଜା କାଟୁଥିଲେ । ଗତ ମେ ମାସ ୨୧ ତାରିଖରେରେ ସେ କରୋନା ଯୋଗୁଁ ପାରୋଲ ରେ ଘରକୁ ଆସିଥିଲେ । ତେବେ ପାରୋଲ ଅବଧି ଆଜି ଶେଷ ହୋଇଥିବାବେଳେ ସେ ଆଜି ଜେଲକୁ ଫେରିବାର ଥିଲା । ହେଲେ ସେ ଆଜି ସକାଳୁ ବେକରେ ଏକ ଲୁଗାରେ ରସିଦେଇ ଆତ୍ମହତ୍ୟା କରିଥିବା ପରିବାର ଲୋକେ ଦେଖି ପୁଲିସ କୁ ଖବର ଦେଇଥିଲେ, ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ଓ ମୃତଦେହକୁ ଜବତ କରି ପୋଷ୍ଟମର୍ଟମ ପାଇଁ କଟକ ବଡ଼ ମେଡିକାଲ ପଠାଇଛି । କଣ ପାଇଁ ରାଜ କିଶୋର ଆତ୍ମହତ୍ୟା କଲେ ଅଧିକ ତଦନ୍ତ ପରେ ଜଣାପଡିବ ବୋଲି ପୁଲିସ କହିଛି ।

Comments
Loading...