ଟିଟିଲାଗଡ଼: ଟିଟିଲାଗଡ ବ୍ଲକ ଅନ୍ତର୍ଗତ ଲଇତରା କୁମୁଡିପଦର କୋଶଲେଇ ବନ ସ୍ଥିତ ମା’ କୋଶଲେଶ୍ୱରୀ ଶକ୍ତି ପୀଠରେ ବୁଧବାର ସପ୍ତପୁରୀ ଅମାବାସ୍ୟା ତିଥିରେ ବିଧି ମତେ ନବାନ୍ନ ଚରୂ ଅର୍ପଣ କରାଯାଇଛି। ପରମ୍ପରା ମୁତାବକ ସେବାୟତ, ପୂଜକ, ଜାନୀଙ୍କ ଗହଣରେ ପର୍ବତ ମନ୍ତ୍ରରେ ଦେବୀଙ୍କୁ ଆବାହନ ସହ ଚାମୁଣ୍ଡା ଯନ୍ତ୍ର ଉପରେ ଯଜ୍ଞମଣ୍ଡଳ ପ୍ରସ୍ତୁତ ହୋଇ ନବାନ୍ନ ମନ୍ତ୍ରରେ ଦେବୀଙ୍କୁ ନୂଆ ଧାନରୁ ପ୍ରସ୍ତୁତ ନବାନ୍ନ ଚରୁ ଅର୍ପଣ କରାଯାଇଛି।
ଦେବୀଙ୍କୁ ପ୍ରତିବର୍ଷ ସପ୍ତପୁରୀ ଅମାବାସ୍ୟା ତିଥିରେ ଚାମୁଣ୍ଡା ରୂପରେ ନବାନ୍ନ ଚରୁ ଅର୍ପଣ କରିବା ବିଧି ରହିଥିବା ଏନେଇ ବିଶିଷ୍ଟ ଗବେଷକ ଡ. ଦୋଳ ଗୋବିନ୍ଦ ବିଶି କହିଛନ୍ତି। ବିଶ୍ୱାସ ଯେ ଭାଦ୍ରପଦ (ଭାଦ୍ରବ) ମାସ ଶୁକ୍ଲପକ୍ଷ ପ୍ରଥମ ଅମାବାସ୍ୟାରେ ଦେବୀ ଗ୍ରାମେଗ୍ରାମେ ନୂଆଖାଇ ରୂପରେ ବିରାଜମାନ କରିବା ଉଦ୍ଦେଶ୍ୟରେ ପ୍ରଥମେ ଅମାବାସ୍ୟା ଦିନ ଧରାବତାର କରିଥାନ୍ତି ଓ ନବାନ୍ନ ଯଜ୍ଞରେ କୋଶଲେଶ୍ୱରୀ ପୀଠରେ ପ୍ରଥମେ ଚରୂ ଗ୍ରହଣ କରନ୍ତି। ଏହା ଏକ ବହୁ ପ୍ରାଚିନ ପରମ୍ପରା ବୋଲି ଡ. ବିଶି କହନ୍ତି। ପ୍ରତି ବର୍ଷ ଦେବୀଙ୍କ ଏହି ପର୍ବରେ ପ୍ରବଳ ଗହଳି ହେଉଥିବା ବେଳେ ଚଳିତ ବର୍ଷ କରୋନା ମହାମାରି କଟକଣା ନେଇ ଅନୁଷ୍ଠାନକୁ ସଂକ୍ଷିପ୍ତ କରାଯିବା ସହ କରୋନାରୁ ମୁକ୍ତି ପାଇଁ ଦେବୀଙ୍କୁ ପ୍ରାର୍ଥନା କରିଥିବା ନିତ୍ୟା ମାଝୀ କହିଛନ୍ତି।
Comments are closed.