ପାଟନା: ସୋସିଆଲ ମିଡିଆ ଫେସବୁକରେ ହିନ୍ଦୁ ଦେବାଦେବୀଙ୍କ ପ୍ରତି ଅଶ୍ଳୀଳ ମନ୍ତବ୍ୟ ଦେଉଥିବା ବିହାରର କିରଣ ଯାଦବଙ୍କୁ ପୁଲିସ ଗିରଫ କରିଛି। କିରଣ ବାରମ୍ବାର ଅଶ୍ଳୀଳ ମନ୍ତବ୍ୟ ଦେଇ ଲୋକମାନଙ୍କ ଧାର୍ମିକ ଭାବନାକୁ ଆଘାତ କରୁଥିବା ଅଭିଯୋଗ ହୋଇଥିଲା। ଏହା ପରେ ତାଙ୍କ ବିରୋଧରେ ଏତଲା ରୁଜୁ ହୋଇଥିଲା। ଏହି ଏତଲା ଆଧାରରେ ତାଙ୍କୁ ପୁଲିସ ଗିରଫ କରିଛି।
କିଛି ଦିନ ତଳେ କିରଣ ଏକ ଭିଡିଓ ଭାଇରାଲ କରିଥିଲେ। ସେଥିରେ ସେ ଭଗବାନ୍ ରାମ, ସୀତା ଏବଂ ଦଶରଥଙ୍କ ସମ୍ପର୍କରେ ଅଶ୍ଳୀଳ ମନ୍ତବ୍ୟ ଦେଉଥିବା ଦେଖିବାକୁ ମିଳିଥିଲା। ଏହା ସହିତ ସେ ରାଜପୁତଙ୍କ ବିରୋଧରେ ବି ଅଶ୍ଳୀଳ ମନ୍ତବ୍ୟ ଦେଇଥିଲେ। ଏହାକୁ ନେଇ ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ପ୍ରକାଶ ପାଇବା ସହିତ ସେ ଲୋକଙ୍କ ଧାର୍ମିକ ଭାବନାକୁ ଉସୁକାଉଥିବା ଅଭିଯୋଗ ହୋଇଥିଲା।
ହଜିପୁର ଥାନରେ କରାଯାଇଥିବା ଅଭିଯୋଗରେ ଦର୍ଶାଯାଇଥିଲା ଯେ, ସେ ଧାର୍ମିକ, ସାମ୍ପ୍ରଦାୟିକ ଏବଂ ଜାତିଗତ ଭାବନା ତଥା ସୌହାର୍ଦ୍ଦ୍ୟକୁ ବିଗାଡ଼ିବା ଉଦ୍ଦେଶଞରେ ଏହି ଭିଡିଓ ପ୍ରସ୍ତୁତ କରି ଭାଇରାଲ କରିଛନ୍ତି। ନିଜକୁ ସାମାଜିକ କାର୍ଯ୍ୟକର୍ତ୍ତା ଦର୍ଶାଉଥିବା କିରଣ ବିହାରର ବୈଶଳୀ ଜିଲା ଅନ୍ତର୍ଗତ ଜାନ୍ଦପୁରା ଅଞ୍ଚଳରେ ରୁହନ୍ତି। ସେ ସାମାଜିକ, ରାଜନୈତିକ ଏବଂ ଅନ୍ୟାନ୍ୟ ପ୍ରସଙ୍ଗକୁ ନେଇ ବିଭିନ୍ନ ସମୟରେ ସୋସିଆଲ ମିଡିଆରେ ବିବାଦୀୟ ପୋଷ୍ଟ କରିଥାନ୍ତି।
Comments are closed.