ଖପ୍ରାଖୋଲ : ଖପ୍ରାଖୋଲ ଥାନା ଅନ୍ତର୍ଗତ ମାଟିଖାଇ ଗ୍ରାମରେ ଶନିବାର ଏକ ଅଭାବନୀୟ ଘଟଣା ଘଟିଛି। ଏହି ଗ୍ରାମର ଜଣେ ୫ ବର୍ଷର ଶିଶୁ କୂଅରେ ପଡ଼ି ମୃତ୍ୟୁ ଘଟିଥିବା ଜଣାପଡ଼ିଛି।
ସୂଚନା ଅନୁଯାୟୀ, ଏହି ଗ୍ରାମର ବଂଶୀଧର ଭୋଇ ଏବଂ ଯଶୋଦା ଭୋଇଙ୍କର ୫ ବର୍ଷର ଝିଅ ସୁରତୀ ଭୋଇ ଆଜି ଅପରାହ୍ନରେ ଖେଳୁଥିବା ବେଳେ ଘର ପଛପଟ କୂଅରେ ପଡ଼ିଯାଇଥିଲେ । ଏ ନେଇ ପରିବାର ଲୋକ ଜାଣି ପାରି ନଥିଲେ । ପରେ ଜଣେ ଗ୍ରାମର ମହିଳାଙ୍କ ଠାରୁ ଶୁଣିବା ପରେ ଗ୍ରାମବାସୀ ଏହି ଝିଅକୁ ଉଦ୍ଧାର କରିବାକୁ ଲାଗିପଡ଼ିଥିଲେ। ଗ୍ରାମବାସୀ ଏକାଠି ହୋଇ ମଟର ପମ୍ପ ଲଗାଇ ଏହି କୂଅରୁ ପାଣି କାଢିଥିଲେ। ମାତ୍ର ଏହା ଏକ ବୃହତକାୟ କୂଅ ହୋଇଥିବାରୁ ଏଥିରେ ସଫଳ ହୋଇପାରି ନ ଥିଲେ। ପରେ ଖପ୍ରାଖୋଲ ଅଗ୍ନିଶମ ବିଭାଗ ଗାଡି ଯାଇ ଘଟଣା ସ୍ଥଳରେ ପହଞ୍ଚିଥିଲା ସେତେବେଳକୁ ଝିଅଟି ପାଣି ଭିତରେ ବୁଡିଯାଇଥିଲା । ଅଗ୍ନିଶମ ବିଭାଗ କର୍ମଚାରୀମାନେ ପାଣି ଭିତରେ ବୁଡି ଝିଅର ମୃତଦେହକୁ ଉଦ୍ଧାର କରିଥିବା ଜାଣିବାକୁ ମିଳିଛି। ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି।
Comments are closed.