ମାସ୍କ ନ ପିନ୍ଧିଲେ ୧୦ ହଜାର ଟଙ୍କା ଜୋରିମାନା

ବର୍ଷକ ଲାଗି କରୋନା କଟକଣା ଜାରିକଲେ କେରଳ ସରକାର

ପ୍ରଥମ ରାଜ୍ୟ ଭାବରେ କେରଳ କରୋନା କଟକଣାକୁ କଡ଼ାକଡ଼ି କରିବାକୁ ନିର୍ଦେଶ ଦେଇଛି । ଆସନ୍ତା ୨୦୨୧ ଜୁଲାଇମାସ ପର୍ଯ୍ୟନ୍ତ କରୋନା କଟକଣା ବଳବତ୍ତର ରଖାଯିବାକୁ କେରଳ ସରକାର ନିଷ୍ପତ୍ତି ନେଇଛନ୍ତି । ଏହା ସହ ମାସ୍କ ପିନ୍ଧିବା ନେଇ ରହିଥିବା ନିର୍ଦେଶନାମାକୁ ଆହୁରି ସ୍ପଷ୍ଟ କରାଯାଇଛି ।

ସର୍ବ ସାଧାରଣସ୍ଥାନରେ ସମସ୍ତଙ୍କୁ ମାସ୍କ ପିନ୍ଧିବାକୁ ବାଧ୍ୟତାମୂଳକ କରାଯିବା ସହ ଯେଉଁମାନେ ମାସ୍କ ନ ପିନ୍ଧିବେ ସେମାନଙ୍କ ଉପରେ ୧୦ ହଜାର ଟଙ୍କା ଜୋରିମାନା କରାଯିବାକୁ ସରକାର ନିର୍ଦେଶ ଦେଇଛନ୍ତି । ଏ ସମ୍ପର୍କରେ ରାଜ୍ୟ ସରକାର ଏକ ଅଧ୍ୟାଦେଶ ଜାରି କରିଥିବା ସୂଚନା ମିଳିଛି ।

ମାସ୍କ ପିନ୍ଧିବା, ସାମାଜିକ ଦୂରତ୍ବ ଅବଲମ୍ବନ କରିବା ସହ ବିବାହ ଓ ଅନୁରୂପ ସମାରୋହରେ ସୀମିତ ଲୋକଙ୍କ ଉପସ୍ଥିତିକୁ ବାଧ୍ୟତାମୂଳକ କରାଯାଇଛି । ସୂଚନାଯୋଗ୍ୟ ଯେ କେରଳରେ ବର୍ତମାନସୁଦ୍ଧା ୫ ହଜାରରୁ ଅଧିକ ଲୋକ କରୋନା ସଂକ୍ରମଣର ଶିକାର ହୋଇଛନ୍ତି ଓ ୨୬ ଜଣଙ୍କ ଜୀବନ ଯାଇଛି ।

Comments
Loading...