କାଶୀ ବିଶ୍ୱନାଥ ମନ୍ଦିରରେ ଲାଗୁ ହେବ ଡ୍ରେସ୍‍ କୋଡ୍‍ ବ୍ୟବସ୍ଥା

ଏଣିକି ପ୍ୟାଣ୍ଟ୍‍, ଶାର୍ଟ ପିନ୍ଧି କରି ପାରିବେନି ସ୍ପର୍ଶ ଦର୍ଶନ

ବାରଣସୀ: ବାରଣସୀର କାଶୀ ବିଶ୍ୱନାଥ ମନ୍ଦିରରେ ଦର୍ଶନ ପାଇଁ ଡ୍ରେସ୍‍ କୋଡ୍‍ ବ୍ୟବସ୍ଥା କରାଯାଇଛି। ନିର୍ଦ୍ଧାରିତ ଡ୍ରେସ୍‍ କୋଡ୍‍ ମୁତାବକ ମନ୍ଦିରରେ କାଶୀ ବିଶ୍ୱନାଥଙ୍କ ସ୍ପର୍ଶ ଦର୍ଶନ ପାଇଁ ଏଣିକି ପୁରୁଷଙ୍କୁ ଧୋତି-କୁର୍ତା ଓ ମହିଳାମାନଙ୍କୁ ଶାଢୀ ପିନ୍ଧିବାକୁ ପଡ଼ିବ। ଏହି ବ୍ୟବସ୍ଥା ଲାଗୁ ହେବା ପରେ ଜିନ୍ସ, ପ୍ୟାଣ୍ଟ, ଶାର୍ଟ ଓ ସୁଟ୍‍ ପିନ୍ଧି ଲୋକେ ଦର୍ଶନ କରିପାରିବେ କିନ୍ତୁ ସେମାନଙ୍କୁ ସ୍ପର୍ଶ ଦର୍ଶନ କରିବାର ଅନୁମତି ମିଳିବ ନାହିଁ। ରବିବାର ମନ୍ଦିର ପ୍ରଶାସନ ଓ କାଶୀ ବିଦ୍ୱାନ ପରିଷଦର ମିଳିତ ବୈଠକରେ ଏହି ନିଷ୍ପତ୍ତି ନିଆଯାଇଛି। ଡ୍ରେସ୍‍ କୋଡ୍‌ ସହ ସ୍ପର୍ଶ ଦର୍ଶନର ଅବଧି ମଧ୍ୟ ବୃଦ୍ଧି କରାଯିବ। ମକର ସଂକ୍ରାନ୍ତି ପରଠାରୁ ଏହି ନୂତନ ବ୍ୟବସ୍ଥା ଲାଗୁ କରାଯିବ ବୋଲି ସୂଚନା ମିଳିଛି।

Comments
Loading...