MEllora 950×100

ପେକ୍ସରେ ଧାନ କିଣାରେ କଟନୀ ଛଟନୀ ବନ୍ଦ ଦାବିରେ ବିଧାୟକଙ୍କ ରାସ୍ତାରୋକ

କଣ୍ଟାବାଞ୍ଜି : କଣ୍ଟାବାଞ୍ଜି ନିର୍ଵାଚନ ମଣ୍ଡଳୀର ବିଭିହ୍ନ ପେକ୍ସରେ କଟନୀ ଛଟଣୀ ବନ୍ଦ ସହ ଚାଷୀଙ୍କ ଅଭିଯୋଗକୁ ଭିତ୍ତି କରି ବିଧାୟକ ସନ୍ତୋଷ ସିଂ ସାଲୁଜା ତୁରେକେଲା ସମବାୟ ପେକ୍ସକୁ ପରିଦର୍ଶନ କରିଛନ୍ତି। ଏଥିସହ ସତ୍ୟତା ଜାଣିବା ପରେ ଚାଷୀଙ୍କଠାରୁ ବସ୍ତାରେ ୫କେଜିରୁ ୭କେଜି ପର୍ୟ୍ୟନ୍ତ କଟନୀ ଛଟନୀ ହେଉଥିବା ଜାଣି ତୀବ୍ର ଅସନ୍ତୋଷ ପ୍ରକାଶ କରି ମଙ୍ଗଳବାର ଚାଷୀ ଓ ସମର୍ଥକ ଗହଣରେ ତୁରେକେଲାରୁ କଣ୍ଟାବାଞ୍ଜି ରାସ୍ତାରୋକ କରିଥିଲେ। ମିଲରଙ୍କ ମର୍ଜିରେ ପେକ୍ସ ଚାଷୀଙ୍କୁ କଟନୀ ଛଟନୀ କରିବାକୁ ବାଧ୍ୟ କରୁଛି। ସମବାୟ ପେକ୍ସ ଏବଂ ମହିଳା ସ୍ୱୟଂ ସହାୟକ ଗୋଷ୍ଠି ଜରିଆରେ ରାଜ୍ୟ ସରକାର ଚାଷୀଙ୍କଠାରୁ ଉଚିତ ମୂଲ୍ୟରେ ଧାନ କିଣି ମିଲରକୁ କଷ୍ଟମ ମିଲିଙ୍ଗ କରିବା ପାଇଁ ଧାନ ଦେଵା ସହ ମିଲର ମଣ୍ଡିକୁ ଯାଇପାରିବେ ନାହିଁବୋଲି ସରକାର ସ୍ପଷ୍ଟ ନିର୍ଦେଶ ଦେଇଥିବା ବେଳେ ମିଲର କେବଳ ମଣ୍ଡିରୁ ଧାନ ପରିବହନ କରି ମିଲ ଧାନ ମିଲିଙ୍ଗ କରି ଚାଉଳ ସରକାରଙ୍କୁ ଦେବେ। କିନ୍ତୁ ମିଲର ତଥା ମିଲର ଏଜେଣ୍ଟ ମଣ୍ଡିରେ ଦେଖିବାକୁ ମିଳୁଛି। ଯେ ପର୍ୟ୍ୟନ୍ତ କୌଣସି ସରକାରୀ ଅଧିକାରୀ ନ ଆସିବା ପର୍ୟ୍ୟନ୍ତ ରାସ୍ତାରୋକ ଜାରି ରହିବ ବୋଲି ବିଧାୟକସାଲୁଜା କହିଥିଲେ। ବିଧାୟକ ସହ ଜିଲ୍ଲା ପରିଷଦ ଜୋନ ନଂ ୧୦ର ସଦସ୍ୟ କୌଶିକ ମେହେରଙ୍କ ସହ ସମର୍ଥକ ଓ ଚାଷୀ ରାସ୍ତାରୋକରେ ବସିଥିଲେ। ଘଟଣା ସ୍ଥଳରେ କଣ୍ଟାବାଞ୍ଜି ତହସିଲଦାର ସମୀର ବେହେରା ପହଞ୍ଚି ବୁଝାସୁଝା କରିଵା ପରେ ବେଶୀ କଟନୀ ଛଟନୀ ହେବନାହିଁ ବୋଲି ପ୍ରତିଶୃତି ଦେବାପରେ ବିଧାୟକ ରାସ୍ତାରୋକରୁ ଓହରିଥିଲେ।

Comments are closed.